ధోనీని తిట్టిపోసిన యువరాజ్ తండ్రి

97

ఓల్డ్‌ ట్రాఫోర్డ్‌ వేదికగా భారత్‌తో జరుగుతున్నసెమీ ఫైనల్‌ మ్యాచ్‌లో న్యూజిలాండ్‌ 18 పరుగుల తేడాతో విజయం సాధించింది. ఉత్కంఠభరితంగా సాగిన పోరులో భారత్ 49.2 ఓవర్లలో 221 పరుగులకు ఆలౌటైంది. భారత్ చివరి వరకు పోరాడినా.. కీలక సమయంలో జడేజా, ధోనీ ఔట్ అవ్వడంతో కివీస్ గెలుపొందింది. ఈ ప్రపంచకప్‌లో టీమిండియా ప్రయాణం సెమీస్‌తోనే ముగిసింది. వరుసగా రెండో ప్రపంచకప్‌లోనూ భారత్‌ సెమీస్‌లోనే ఇంటిదారి పట్టగా మరోవైపు న్యూజిలాండ్‌ రెండో సారి ఫైనల్‌కు చేరింది. జడేజా కెరీర్లోనే గుర్తుండిపోయే ఇన్నింగ్స్ ఆడాడు. 77 పరుగులు చేసిన జడ్డూ ఔటయ్యాక.. చివరి రెండు ఓవర్లలో భారత్ విజయానికి 31 పరుగులు అవసరం అయ్యాయి. ఓ ఎండ్‌లో ధోనీ ఉండటంతో గెలుస్తాంలే అనే ధీమా అభిమానుల్లో కనిపించింది. 49వ ఓవర్ తొలి బంతికి సిక్స్ కొట్టిన ధోనీ అదే ఓవర్ మూడో బంతికి రెండో పరుగుకు యత్నించాడు. కానీ దురదృష్టం కొద్దీ.. గుప్టిల్ విసిరిన డైరెక్ట్ త్రోకు మహీ బలయ్యాడు. బంతి వికెట్లకు తాకినప్పుడు క్రీజుకు కొద్ది అంగుళాల దూరంలో ధోనీ బ్యాట్ ఉండిపోయింది. ఈ మ్యాచ్ ఫలితం మీద ఇప్పుడు ధోని మీద విమర్శలు వస్తున్నాయి.

భారత మాజీ ఆల్‌రౌండర్ యువరాజ్ సింగ్ తండ్రి యోగరాజ్ సింగ్ మరోసారి మహేంద్రసింగ్ ధోనీపై నోరుజారాడు. 2011 ప్రపంచకప్ తర్వాత యువరాజ్ సింగ్ కెరీర్ గాడి తప్పడానికి ధోనీనే కారణమంటూ గతంలో విమర్శలు గుప్పించిన యోగరాజ్ తాజాగా అంబటి రాయుడి రిటైర్మెంట్‌‌‌ని ధోనీతో ముడిపెడుతూ తిట్ల దండకాన్ని అందుకున్నాడు. ప్రపంచకప్‌ జట్టులోకి ఎంపిక చేయకపోవడంతో నిరాశకి గురైన అంబటి రాయుడు వారం క్రితం క్రికెట్‌లోని అన్ని ఫార్మాట్లకీ రిటైర్మెంట్ ప్రకటించిన విషయం తెలిసిందే. అంతక ముందు వారంలోనే యువరాజ్ సింగ్‌ కూడా క్రికెట్‌కి వీడ్కోలు చెప్పిన నేపథ్యంలో.. తాజాగా ఓ ఇంటర్వ్యూలో మాట్లాడిన యోగరాజ్ తన నోటికి పనిచెప్పాడు.

Image result for dhoni run out

రాయుడి రిటైర్మెంట్‌ గురించి యువీ తండ్రి మాట్లాడుతూ ‘అంబటి రాయుడు నువ్వు మరికొంత కాలం క్రికెట్ ఆడి.. నీ అత్యుత్తమ ప్రదర్శనని కనబర్చి ఉండాల్సింది. ఎందుకంటే.. సెలక్టర్లు, టీమ్‌ కెప్టెన్లు శాశ్వతం కాదు. కాబట్టి.. రంజీ, దేశవాళీ టోర్నీలో ఆడి ఫామ్‌ నిరూపించుకుని ఉంటే అవకాశం దక్కేదేమో..? తొందరపాటులో రిటైర్మెంట్ నిర్ణయం తీసుకున్నావు. బాధపడకులే.. ధోనీ లాంటి మురికి స్వభావం ఉన్నవాళ్లు ఎంతోకాలం టీమ్‌లో ఉండరు’ అని వెల్లడించాడు. ఐపీఎల్ 2018 సీజన్‌లో పరుగుల వరద పారించిన అంబటి రాయుడికి గత ఏడాదే టీమిండియా నుంచి పిలుపొచ్చింది. కానీ.. యో-యో ఫిట్‌నెస్‌ టెస్టులో ఫెయిలవడంతో ఇంగ్లాండ్ పర్యటన అవకాశం చేజార్చుకున్న రాయుడు ఆ తర్వాత న్యూజిలాండ్ టూర్‌లో సత్తాచాటాడు. దీంతో ప్రపంచకప్‌లో అతనికి అవకాశం దక్కడం ఖాయమని అంతా భావించారు. కానీ ప్రపంచకప్‌ ముందు పేలవ ప్రదర్శనతో టీమ్‌లో చోటు కోల్పోయిన రాయుడు వరల్డ్‌కప్ ఛాన్స్‌ని చేజార్చుకుని చివరికి అర్ధాంతరంగా కెరీర్‌ని ముగించాడు. మరి ధోని మీద యువరాజు సింగ్ తండ్రి చేసిన ఈ కామెంట్స్ గురించి మీ అభిప్రాయాలను మాకు కామెంట్ రూపంలో చెప్పండి.