ర‌హ‌స్యంగా కాపురం చేశాడు చివ‌ర‌కు ఫేస్ బుక్ ప‌ట్టించింది

93

ప్రేమించానన్నాడు, ఎవరికీ తెలియకుండా రహస్యంగా పెళ్లి చేసుకున్నాడు. అటు అత్తమామలకు, ఇటు తన ఇంట్లో వాళ్లకు చెప్పకుండా గుట్టుగా కాపురం చేశాడు. మూడేళ్ల దాంపత్య జీవితానికి గుర్తుగా ఇద్దరు పిల్లలు పుట్టారు. ఈలోగా ఆమెకు తెలియకుండా మరో పెళ్లి చేసుకున్నాడు. పక్కా ప్లాన్ ప్రకారం మూడో కంటికి తెలియకుండా ప్రేమించి పెళ్లాడిన భార్యను మట్టుబెట్టాడు. కానీ తొమ్మిదేళ్ల తర్వాత ఫేస్‌బుక్ పోస్ట్ కారణంగా దొరికిపోయాడు. పోలీసులను సైతం నివ్వెరపరిచిన ఈ ఘటన తెలంగాణలో చోటు చేసుకుంది. ఓసారి వివ‌రాల్లోకి వెళితే.

Image result for illegal affair

నల్లగొండ జిల్లా మర్రిగూడ మండలం వెంకేపల్లికి చెందిన మోర హన్మంతు భాగ్యనగరంలో క్యాబ్ డ్రైవర్‌గా పని చేసేవాడు. నార్కట్‌పల్లి సమీపంలోని మాండ్ర గ్రామానికి చెందిన లక్ష్మయ్య, జంగమ్మ దంపతులు ఎల్బీ నగర్‌లో స్థిర పడ్డారు. వీరికి ఉపేంద్ర చారి, ప్రియాంక అని ఇద్దరు పిల్లలు. ప్రియాంకతో పరిచయం చేసుకున్న హన్మంతు ఆమెను మెల్లగా ప్రేమలోకి దింపాడు.హన్మంతును పెళ్లాడటం కోసం ప్రియాంక 2006లో ఇంట్లో ఎవరికీ చెప్పకుండా వెళ్లిపోయింది. ఎల్బీనగర్‌లో ప్రియాంకతో కాపురం చేస్తున్న హన్మంతు.. ఆమెను పెళ్లాడిన ఏడాదికే మరో అమ్మాయిని పెళ్లి చేసుకున్నాడు. సొంతూర్లో ఆమెతో కాపురం పెట్టాడు. ఊళ్లో వ్యవసాయం చేస్తున్నానని ప్రియాంకను నమ్మించిన హన్మంతు.. రెండో భార్యతో కాపురం చేసి పిల్లలను కన్నాడు.

Image result for illegal affair

మూడేళ్ల తర్వాత ప్రియాంక తన సోదరుడైన ఉపేంద్ర చారికి కనిపించింది. అప్పటికే ఓ బాబుకు జన్మనిచ్చిన ఆమె.. మరోసారి గర్భం దాల్చింది. ఎల్బీనగర్‌లోని కేర్ హాస్పిటల్ సమీపంలో ప్రియాంక దంపతులు ఉంటున్న ఇంటికి ఉపేంద్ర చారి వెళ్లాడు. కొద్ది రోజుల తర్వాత అమ్మానాన్నలను అక్కడికి వెంటబెట్టుకొని వచ్చాడు. కానీ అప్పటికే ప్రియాంక దంపతులు ఇల్లు ఖాళీ చేసి వెళ్లిపోయారని తెలిసింది. అప్పటి నుంచి ఆమె ఆచూకీ తెలియలేదు. దీంతో ఉపేంద్ర ఎల్బీనగర్ పోలీసులను ఆశ్రయించాడు. ప్రియాంకతో ఎప్పటికైనా ఇబ్బందే అని భావించిన హన్మంతు ఆమెను అడ్డు తొలగించుకునేందుకు స్కెచ్ వేశాడు.ప్రియాంకను వదిలించుకునేందుకు పథకాలు పన్నాడు. 2009లో ఇంట్లో ఎవరూ లేని సమయంలో ఆమెను సొంతూరు తీసుకెళ్లి ఇంట్లోనే హత్య చేశాడు.

ఈ క్రింద వీడియో మీరు చూడండి

తర్వాత శవాన్ని మూటగట్టి రాంరెడ్డి పల్లి గ్రామ శివారులోని పాడుబడిన బావిలో పడేశాడు. ఉపేంద్ర చారి అక్క ఆచూకీ కోసం వెతుకులాట ప్రారంభించాడు. పోలీసులకు ఫిర్యాదు చేసిన అతడు.. హన్మంతు వివరాల కోసం గాలించాడు. రెండో భార్య, పిల్లలతో కలిసి దిగిన ఫోటోను హన్మంతు ఇటీవల ఫేస్‌బుక్‌లో పోస్టుచేశాడు.. అనుమానం వచ్చిన ఉపేంద్ర.. ఎల్బీనగర్, మర్రిగూడ పోలీసులకు ఫిర్యాదు చేశాడు. పోలీసుల విచారణలో.. భార్యను చంపి బావిలో పడేసినట్టు హన్మంతు అంగీకరించాడు… కొడుకును, కుమార్తెను బ‌య‌ట వారికి అమ్మేశాను అని పోలీసుల ముందు ఒప్పుకున్నాడు.. ఇలా ప్రేమ మోజులో ప‌డి ఆమె ప్రాణాలు పొగొట్టుకుంది… న‌మ్మిన‌వాడు పిల్ల‌ల్ని కూడా అమ్మేశాడు..ఈవీడియో చూశారుగా ఇలాంటి వ్య‌క్త‌కి ఎటువంటి శిక్ష విధించాలో కామెంట్ల రూపంలో తెలియ‌చేయండి.