ఇష్టపూర్వక శృంగారం పై సుప్రీం సంచలన తీర్పు వింటే షాకవుతారు.

440

ఇప్పటి వరకూ ఉన్న చట్టాల ప్రకారం వివాహితుడు తన భార్యతో కాకుండా మరో వివాహితతో వివాహేతర సంబంధం పెట్టుకోవడం నేరం. తన భర్తకు మరో మహిళతో సంబంధం ఉందని భార్య కేసు పెడితే అతణ్ని ఐదేళ్లపాటు జైలుకు పంపొచ్చు. స్త్రీ పురుషులిద్దరూ ఇలాంటి చర్యకు పాల్పడితే.. సెక్షన్ 497 ప్రకారం కేవలం పురుషుణ్ని మాత్రమే శిక్షించే వీలుంది.అయితే ఈ విషయం మీద సుప్రీం కోర్ట్ ఇప్పుడు సంచలన తీర్పు ఇచ్చింది.మరి సుప్రీం కోర్ట్ ఇచ్చిన ఈ తీర్పు గురించి తెలుసుకుందామా.

 

ఇంతకముందు అక్రమ సంబంధ కేసులు కోర్ట్ కు వెళ్తే పురుషుడికి మాత్రమే కేసు వేసేవారు.స్త్రీకి ఎలాంటి శిక్ష ఉందది కాదు.అయితే ఇది చాలా తప్పని ఒక న్యాయవాది సుప్రీం కోర్టులో సవాల్ చేశారు.దీంతో ఆ విషయం మీద ఒక చట్టం తీసుకొచ్చింది కేంద్రం.వివాహితుడైన వ్యక్తి, వివాహం చేసుకున్న మరో మహిళతో శారీరక సంబంధం పెట్టుకోవడం శిక్షార్హమైన నేరం కాదని సుప్రీం కోర్టు తీర్పునిచ్చింది. వివాహం రద్దు చేసుకోవడానికి మాత్రం దీన్ని కారణంగా చూపించవచ్చని పేర్కొంది. ఇండియన్ పీనల్ కోడ్‌లోని అడల్టరీకి సంబంధించిన సెక్షన్ 497 రాజ్యాంగ విరుద్ధమని ధర్మాసనం తెలిపింది. చీఫ్ జస్టిస్ దీపక్ మిశ్రా, జస్టిస్ ఆర్ఎఫ్ నారీమన్, ఏఎం ఖాన్‌విల్కర్, డీవై చంద్రచుద్, ఇందు మల్హోత్రాలతో కూడిన బెంచ్ ఈ తీర్పును వెలువరించింది.

సుప్రీం కోర్టు తీర్పులోని ముఖ్యాంశాలు:
* అడల్టరీ అనేది శిక్షార్హమైన నేరం కాదు, కానీ ఆ కారణంతో విడాకులు తీసుకోవచ్చని చీఫ్ జస్టిస్ దీపక్ మిశ్రా తెలిపారు.
* వివాహేతర సంబంధం కారణంగా భాగస్వామి ఆత్మహత్యకు పాల్పడితే.. దానికి సాక్ష్యం చూపించగలిగితే.. ఆత్మహత్యకు ప్రేరేపించిన కారణంగా కేసు నమోదు చేయొచ్చు.
* వివాహ వ్యవస్థను ముగింపు పలికే తప్పుడు చర్యగా అడల్టరీని బెంచ్ అభివర్ణించింది.
* మహిళల పట్ల అసమానత్వంతో వ్యవహరించడం రాజ్యాంగ రీత్యా సరైన చర్య కాదని సుప్రీం కోర్టు పేర్కొంది.
* భార్యభర్తలిద్దరూ సమానమేనన్న ధర్మాసనం.. భార్యపై భర్త సర్వాధికారి కాదని స్పష్టం చేసింది.
* ఐపీసీలోని సెక్షన్ 497 ఏకపక్షమని చీఫ్ జస్టిస్ అభిప్రాయపడ్డారు.
* అడల్టరీ వల్ల దాంపత్యం అసంతృప్తికి కారణం కావడం కాదు.. అసంతృప్తి కూడిన దాంపత్యమే ఈ పరిస్థితికి దారి తీస్తుందని జస్టిస్ మిశ్రా తెలిపారు.
* చీఫ్ జస్టిస్ మిశ్రా, జస్టిస్ ఖన్‌విల్కర్ సెక్షన్ 497ను కాలం చెల్లిన నిబంధనగా పేర్కొన్నారు. ఇది రాజ్యాంగ విరుద్ధమన్నారు.
* భార్యను భర్త తన ఆస్తిగా భావిస్తూ.. మహిళల ఆత్మ గౌరవానికి విఘాతం కలిగించడానికి సెక్షన్ 497 కారణమవుతోందని జస్టిస్ డీవై చంద్రచుద్ పేర్కొన్నారు.విన్నారుగా అక్రమ సంబంధం పెట్టుకున్న వాళ్ళ విషయంలో కేంద్రం ఎలాంటి నిర్ణయం తీసుకుందో.