Breaking News:స్మిత్, వార్నర్‌పై నిషేధం ఎత్తివేత..కారణం ఇదే

249

బాల్ ట్యాంపరింగ్ వివాదంలో నిషేధానికి గురైన ఆస్ట్రేలియా మాజీ కెప్టెన్ స్టీవ్ స్మిత్, ఇద్దరు ఆటగాళ్లు డేవిడ్ వార్నర్, కామెరన్ బ్యాన్‌క్రాఫ్ట్‌లు మళ్లీ అంతర్జాతీయ క్రికెట్‌లోకి అడుగుపెట్టబోతున్నారు. క్రికెట్ ఆస్ట్రేలియా(సీఏ) సీఈవో కెవిన్ రోబర్ట్స్ వ్యాఖ్యలు దీన్ని స్పష్టం చేస్తున్నాయి. ఒకప్పుడు ప్రపంచ నంబర్ వన్ జట్టుగా వెలుగొందిన ఆస్ట్రేలియాకు ప్రస్తుతం గడ్డుకాలం నడుస్తోంది. ఆస్ట్రేలియా ప్రస్తుతం వరసపెట్టి సిరీస్‌లను ఓడిపోతుంది. ఈ నేపథ్యంలో ఆస్ట్రేలియన్ క్రికెటర్స్ అసోసియేషన్ నుంచి సీఏపై ఒత్తిడి ఎక్కువైంది. తక్షణమే ఆ ముగ్గురు ఆటగాళ్లపై నిషేధం ఎత్తివేసి జట్టులోకి తీసుకోవాలని ఆటగాళ్ల సంఘం డిమాండ్ చేస్తోంది. ఇదే విషయాన్ని కెవిన్ బుధవారం వెల్లడించారు.

మార్చిలో దక్షిణాఫ్రికాతో జరిగిన టెస్ట్ మ్యాచ్‌లో ఆస్ట్రేలియా కెప్టెన్ స్టీవ్ స్మిత్, వైస్ కెప్టెన్ డేవిడ్ వార్నర్, మరో ఆటగాడు బ్యాన్‌క్రాఫ్ట్ బాల్ ట్యాంపరింగ్ పాల్పడిన సంగతి తెలిసిందే. బాల్ ట్యాంపరింగ్ చేసినట్టు ఈ ముగ్గురు ఆటగాళ్లు అంగీకరించడంతో వీరిపై 12 నెలల నిషేధం విధించారు. అయితే వీరు ముగ్గురు జట్టుకు దూరమైనప్పటి నుంచి ఆస్ట్రేలియా ఆటతీరు పేలవంగా మారిపోయింది. స్టీవ్ స్మిత్‌ను తొలగించడంతో టెస్టులకు టిమ్ పెయిన్ సారథ్యం వహిస్తున్నాడు. ఇతని కెప్టెన్సీలో దక్షిణాఫ్రికాపై ఆఖరి మూడు టెస్టులు ఆడిన ఆస్ట్రేలియా రెండింటిలో ఓడిపోయింది.

ఇక ఆరోన్ ఫించ్ సారథ్యంలోని వన్డే జట్టు ప్రదర్శన కూడా అలానే ఉంది. ఇటీవల వరుసగా ఏడు వన్డేల్లో ఆస్ట్రేలియా ఓటమి పాలైంది. వీటిలో ఇంగ్లాండ్‌పై 5-0 తేడాతో వైట్‌వాష్ ఒకటి కాగా, పాకిస్థాన్‌పై రెండు వన్డే మ్యాచ్‌ల్లో ఓటమి మరొకటి. ఇక ఆదివారం పెర్త్‌లో జరిగిన వన్డేలోనూ దక్షిణాఫ్రికా చేతిలో ఘోరంగా ఓడిపోయింది. దీంతో ఆస్ట్రేలియన్ క్రికెటర్స్ అసోసియేషన్ రంగంలోకి దిగింది. జట్టు పుంజుకోవాలంటే స్మిత్, వార్నర్, బ్యాన్‌క్రాఫ్ట్ పునరాగమనం తప్పనిసరి అని డిమాండ్ చేస్తోంది. వీరి విన్నపాన్ని క్రికెట్ ఆస్ట్రేలియా స్వీకరించింది. మరి ఈ ముగ్గురి ఆటగాళ్ల పునరాగమనం ఎప్పుడో త్వరలోనే తేలనుంది.