ఊరుకిచ్చిన మాటకోసం అమెరికాను నుండి తెలంగాణ పంచాయతీ ఎన్నికల్లో నిలబడుతున్న మహిళ.. ఈమె గురించి తెలిస్తే నిజం గ్రేట్ అంటారు

268

 

సినిమాలు అంటే ప్యాష‌న్ ఉంటుంది అలాగే ఇటీవ‌ల రాజ‌కీయాలు అంటే కూడా ప్యాష‌న్ బాగా పెరిగిపోయింది విదేశాల‌కు వెళ్లినా సొంత ఊరిపై మ‌క్కువ మాత్రం ఎప్ప‌టికీ త‌గ్గిపోదు అందుకే విదేశాల నుంచి ఇక్క‌డ‌కు ల‌క్ష‌లాది రూపాయ‌లు డ‌బ్బులు పంపి అభివృద్ది కార్య‌క్ర‌మాలు చేస్తారు కొంద‌రు, ఇక మ‌రికొంద‌రు అయితే నేరుగా వారే ప్ర‌త్య‌క్ష ఎన్నిక‌ల్లో బ‌రిలోకి దిగి ప్ర‌జాసేవ చేస్తారు.

తెలంగాణలో ప్రస్తుతం పంచాయతీ ఎన్నికల సందడి నెలకొంది. కొన్ని గ్రామాల్లో ఏకగ్రీవం చేసేందుకు వేలంపాటలు నిర్వహిస్తుంటే.. మరికొన్ని చోట్ల ఎక్కడెక్కడో స్థిరపడిన వారు సైతం గ్రామాల్లో పోటీ సై అంటున్నారు. అమెరికాలో భర్తలో కలిసి 12ఏళ్లుగా నివాసముంటున్న మహిళ రిజర్వేషన్లు కలిసి రావడంతో గ్రామ పంచాయతీ సర్పంచ్ పదవికి పోటీ చేస్తోంది. దీంతో ఆ గ్రామం ఇప్పుడు చర్చనీయాంశమైంది.

 

 

సంగారెడ్డి జిల్లా హత్నూర మండలంలో కాసాల గ్రామం ఉంది.. మహిళ శ్వేత భర్త గౌరెడ్డిగారి అనిల్‌రెడ్డితో కలిసి పన్నెండేళ్లుగా అమెరికాలోని మేరీలాండ్‌లో నివాసం ఉంటున్నారు. భర్త సాఫ్ట్‌వేర్‌ ఇంజినీరుకాగా, ఎమ్మెస్సీ బీఈడీ చేసిన శ్వేత ఓ ప్రీ- స్కూల్‌ డైరెక్టర్‌గా ఉన్నారు. మామ లింగారెడ్డి గ్రామ సహకార సంఘం అధ్యక్షుడు కావడంతో, ఆ కుటుంబానికి రాజకీయ నేపథ్యం ఉంది. ఈ ఎన్నికల్లో కాసాల సర్పంచి స్థానాన్ని ఓసీ మహిళకు రిజర్వు చేయడంతో తాను పోటీ చేయాలని శ్వేత నిర్ణయించుకున్నారు. దీంతో అమెరికా నుంచి వచ్చి నామినేషన్ వేశారు.

కాసాల గ్రామ సర్పంచి బరిలో ఐదుగురు ఉన్నారు. ఉన్నత విద్యావంతురాలైన శ్వేత ప్రచారంలో దూసుకుపోతున్నారు. గ్రామాభివృద్ధికి తాను ఏం చేస్తానో వివరిస్తూ 12 అంశాల ఎన్నికల ప్రణాళికను ఆమె ఇప్పటికే విడుదల చేశారు. వార్డు సభ్యులతో అభివృద్ధి కమిటీల ఏర్పాటు, డిజిటల్‌ గ్రంథాలయం, అంగన్‌వాడీలను కార్పొరేట్‌ స్థాయిలో తీర్చిదిద్దడం వంటి అంశాలపై కుటుంబసభ్యులతో కలిసి ప్రచారం సాగిస్తున్నారు. మ‌రి నిజంగా ఇది చాలా గ్రేట్ అని అంటున్నారు ఇక్క‌డ గ్రామ‌స్తులు, మ‌రి చూశారుగా వీరు తీసుకున్న నిర్ణ‌యం పై మీ అభిప్రాయాన్ని కామెంట్ల రూపంలో తెలియ‌చేయండి.