Breaking News:బంగారం ధర రూ 2800 పతనం

304

మనదేశంలో మహిళలకు బంగారం అంటే బాగా ప్రీతి పాత్రమయింది..వీలయినంత ఎక్కువ బంగారాన్ని కొనుగోలు చేయడానికి ఆసక్తి చూపుతుంటారు..పెళ్ళిళ్ళలో ఇతర వేడుకల్లో మహిళలు తమ బ్నగారౌ ఆభరణలాతో తమ దర్పాన్ని ప్రదర్శిస్తుంటారు.. అయితే ప్రస్తుత పరిస్థుతుల్లో బంగారం ధరలు రోజుకో రీతిగా మారుతున్నాయి..ఒక రోజు పెరిగితే మారో తగ్గడం వంటివి జరుగుతున్నాయి..అంతర్జాతీయ మార్కెట్ ఆధారంగా బంగారం ధరల్లో హెచ్చుతగ్గులు ఉంటున్నాయి..తాజాగా బంగారం ధర భారీగా తగ్గింది..ఆ వివరాలేంటో ఇప్పుడు తెలుసుకుందాం..

Image result for gold

బంగారం ధర ఇటీవల కాలంలో బాగా తగ్గింది. గత రెండున్నర నెలల కాలంలో పసిడి ధర దాదాపు రూ.2,800 మేర పతనమైంది. దేశీ మార్కెట్‌లో ఫిబ్రవరి 20న రూ.34,031 స్థాయిని చేరిన 10 గ్రాముల బంగారం ధర మే 3న రూ.31,240 స్థాయికి దిగొచ్చింది. అంతర్జాతీయ మార్కెట్‌లోనూ బంగారం ధరలు కరెక్షన్‌కు గురయ్యాయి. ఒకానొక సమయంలో 1,348 డాలర్లకు చేరిన ఔన్స్ బంగారం ధర తర్వాత 1,266 డాలర్ల స్థాయికి కూడా క్షీణించింది. అమెరికా ఆర్థిక గణాంకాలు డాలర్ ఇండెక్స్‌కు బలాన్ని చేకూర్చుతున్నాయని ఇండియానివేశ్ కమోడిటీస్ డైరెక్టర్ (కమోడిటీ అండ్ కరెన్సీ) మనోజ్ కుమార్ జైన్ తెలిపారు. దీంతో ఇన్వెస్టర్లు సురక్షిత ఇన్వెస్ట్‌మెంట్ సాధనమైన బంగారానికి దూరంగా ఉంటున్నారని పేర్కొన్నారు. అయితే అమెరికా అధ్యక్షుడు డొనాల్డ్ ట్రంప్ తాజా ట్వీట్‌ బంగారం ధరలకు మద్దతునిస్తోందని తెలిపారు.

ఈ క్రింది వీడియో చూడండి

చైనా 200 బిలియన్ డాలర్ల విలువైన దిగుమతులపై అదనపు టారిఫ్‌లు విధిస్తామని ట్రంప్ ట్వీట్ చేసిన విషయం తెలిసిందే. దీంతో చైనా, అమెరికా మధ్య మళ్లీ వాణిజ్య ఉద్రిక్తతలు చోటుచేసుకున్నాయి.మరోవైపు అంతర్జాతీయ కేంద్ర బ్యాంకులు బంగారాన్ని ఎక్కువగా కొనుగోలు చేస్తున్నాయని వరల్డ్ గోల్డ్ కౌన్సిల్ పేర్కొంది. ఈ అంశం కూడా బంగారం ధరలకు మద్దతునిస్తోందని మనోజ్ కుమార్ జైన్ తెలిపారు. సెంట్రల్ బ్యాంకులు 2019 తొలి త్రైమాసికంలో 145.5 టన్నుల బంగారం కొన్నాయి. గత ఏడాది ఇదే త్రైమాసికంతో పోలిస్తే పసిడి కొనుగోలు ఏకంగా 68 శాతం పెరిగింది.

Image result for gold

జనవరిలోని గరిష్ట స్థాయిల నుంచి పడిపోయిన బంగారం ఆరు నెలల కనిష్ట స్థాయి వద్ద మద్దతు తీసుకుందని మనోజ్ కుమార్ జైన్ పేర్కొన్నారు. రానున్న వారాల్లో పసిడికి రూ.31,950, రూ.32,300 వద్ద గట్టి నిరోధం ఎదురు కావొచ్చని తెలిపారు. బంగారం ధర ఒకవేళ రూ.31,180 స్థాయికి దిగువకు పడిపోతే అప్పుడు ధర మరింత తగ్గొచ్చని మనోజ్ అంచనా వేశారు. పసిడి రూ.30,900-రూ.30,680 జోన్ వద్ద మద్దతు తీసుకునే అవకాశముందని పేర్కొన్నారు. అయితే ఇందుకు అవకాశాలు చాలా తక్కువగా ఉన్నాయన్నారు. రూ.31,450 వద్ద బంగారం కొనొచ్చని, ఇది రూ.31,900-రూ.32,300 స్థాయికి చేరొచ్చని తెలిపారు. స్టాప్ లాస్ రూ.31,150గా పేర్కొన్నారు. బంగారం ధర భారీగా తగ్గడంపై మీ అభిప్రాయాలను కామెంట్ల రూపంలో పెట్టండి..