ఈ పాప పుట్టడానికి 1,616 సిరంజీలు వాడారు..ఈ చిన్నారి వ్యథ వింటే ఎవరి కళ్ళలో అయినా నీళ్ళు తిరగాల్సిందే..

431

ఈ చిత్రంలో సిరంజీల మధ్యలో ఉన్న ఈ చిన్నారిని చూశారా? ఇదేదో సరదాకు తీసిన చిత్రం కాదు.. దీని వెనుక హృదయాన్ని కరిగించే వాస్తవం దాగి ఉంది. ఆ పసిబిడ్డను ఈ లోకానికి తీసుకొచ్చేందుకు ఓ తల్లిపడిన శ్రమ ఉంది. అంతేకాదు, పిల్లల కోసం ప్రయత్నించేవారు చేయించుకునే ఐవీఎఫ్ ట్రీట్మెంట్ వెనుక ఉన్న సవాళ్లు, నరయాతనను తెలియజేస్తుంది.ప్రపంచవ్యాప్తంగా వైరల్‌గా మారిన ఈ ఫొటోను సోషల్ మీడియాలో ఎక్కువగా గడిపేవారు ఇప్పటికే చూసి ఉంటారు.అయితే దీని వెనుక ఒక పెద్ద కథ ఉంది.మరి దాని గురించి పూర్తీగా తెలుసుకుందామా.

it took 4 years, 3 miscarriages and 1,616 shots to make this baby

ఈ ఫోటోలో సిరంజీల మధ్యలో ఉన్న ఆ చిన్నారి ఐవీఎఫ్ ద్వారా పుట్టింది.ఇటీవల ఐవీఎఫ్ గురించి మనం తరచుగా వింటున్నాం. మహిళలో అండాన్ని శరీరం బయట వీర్యకణంతో ఫలదీకరణ చేయడాన్నే ఐవీఎఫ్ అంటారు. ఈ సందర్భంగా మహిళ అండాశయం నుంచి అండాన్ని బయటకు తీసి.. ల్యాబరేటరీలోని ద్రవంలో వీర్యకణాలతో ఫలదీకరణ చేస్తారు. దాదాపు ఆరురోజుల తర్వాత దాన్ని పరిశీలించి ఫలదీకరణ చెందిన అండాన్ని తిరిగి తల్లి గర్భాశయంలో గానీ, వేరే మహిళ గర్భాశయంలోకి గాని ప్రవేశపెట్టి నెలలు నిండేలా చేస్తారు.ఈ వైరల్ చిత్రంలోని చిన్నారి కూడా ఇలా జన్మించిందే. ఆమె తల్లిదండ్రులు ప్యాట్రిసియా, కింబెర్లీ ఓనియల్‌లు దాదాపు నాలుగేళ్లుగా పిల్లల కోసం ప్రయత్నాలు చేశారు. సుమారు 7 ప్రయత్నాల తర్వాత 1,616 సిరంజీలతో ట్రీట్మెంట్ తర్వాత ఆమె జన్మించింది. నాలుగేళ్ల కిందట ప్యాట్రిసియా‌లో రక్తహీనత సమస్య ఏర్పడింది.

Image result for baby

దీని వల్ల పిల్లలు కనడం కష్టమని వైద్యులు తెలిపారు. దీంతో, ఐవీఎఫ్ ద్వారా పిల్లలు కనాలని నిర్ణయించింది. అయితే, 2016లో రెండు గర్భశ్రావాలయ్యాయి.ఇక ప్రయత్నాలు ఆపాలని ప్యాట్రిసియా, ఆమె భర్త నిర్ణయించుకున్నారు.వైద్యులు వారికి ధైర్యం చెప్పడంతో మళ్లీ ఐవీఎఫ్‌కు ఒప్పుకున్నారు. అయితే, 2017లోనూ అదే సమస్య ఏర్పడింది. ఏడో ప్రయత్నంలో ఎన్నో ట్రీట్మెంట్ల తర్వాత ఆమె గర్భవతి అయ్యింది. అయినా తల్లిదండ్రుల్లో సంతోషం లేదు. బిడ్డ ఆరోగ్యంగా పుట్టే వరకు దీన్ని నమ్మలేమన్నారు. చివరికి వైద్యుల్లో సైతం ఏదో అనుమానం. అయితే, ఎట్టకేలకు ఆమె పండంటి ఆడ బిడ్డకు జన్మనిచ్చింది. నాలుగేళ్ల కల పసిబిడ్డ రూపంలో కళ్లముందు ఉండేసరికి ఆమె కన్నీళ్లు ఆగలేదు.ఆ శిశువును ఆప్యాయంగా గుండెలకు హత్తుకుని ఆనందంతో ఉబ్బితబ్బిబయ్యింది.ఆగస్టు 3న జన్మించిన ఆ శిశువుకు లండన్ ఓనియల్ అని పేరుపెట్టారు.

ఈ క్రింద వీడియో మీరు చూడండి

పిల్లలు కలిగేందుకు వారు పడిన శ్రమను తెలిపేందుకు గుర్తుగా వారు గుర్తుండిపోయే ఫొటో తీయాలని భావించారు. ఈ సందర్భంగా ప్యాకర్ ఫ్యామిలీ ఫొటోగ్రఫీకి ఆ బాధ్యత అప్పగించారు. ఈ సందర్భంగా ఐవీఎఫ్‌కు వినియోగించిన 1,616 సిరంజీలను లవ్ సింబల్‌గా అలంకరించి, వాటి మధ్యలో చిన్నారిని ఉంచి ఫొటో తీశారు. ప్యాకర్ ఈ ఫొటోను ఆగస్టు 10న తన ఫేస్‌బుక్ అకౌంట్లో పోస్టుచేశాడు. ఇప్పటివరకు 65 వేల మంది దీన్ని షేర్ చేసుకున్నారు.మరి ఈ విషయం గురించి మీరేమంటారు.ఈ చిన్నారి జన్మించిన విధానం గురించి అలాగే ఈ ఐవీఎఫ్ పద్ధతి గురించి మీ అభిప్రాయాలను మాకు కామెంట్ రూపంలో చెప్పండి.