విమానంలోనే దుస్తులు విప్పేసి నగ్నంగా తిరిగి ఈ ప్ర‌యాణికుడు ఏం చేశాడో తెలిస్తే షాక్

332

కొన్ని కొన్ని ఘ‌ట‌నలు అస‌లు ఇలా జ‌రుగుతాయా అని ఆశ్చ‌ర్యం క‌లిగిస్తాయి, ఇక‌ప్ర‌యాణాలు చేసే స‌మ‌యంలో ఇలాంటి వారు ఎదురుఅయితేవామ్మో అంటాం, విమానం గాల్లోనే ఉండగానే ఓ ప్రయాణికుడు తన ఒంటిపై దుస్తులన్నీ విప్పేసి నగ్నంగా తిరిగాడు. ఈ ఘటన దుబాయ్- లక్నో ఎయిరిండియా విమానంలో చోటుచేసుకుంది. ప్రయాణీకుడు విపరీత చర్యకు వెంటనే స్పందించిన సిబ్బంది అతడి ఒంటిపై దుప్పటి కప్పి కూర్చోబెట్టారు. లక్నో విమానాశ్రయానికి విమానం చేరుకున్న తర్వాత పోలీసులకు అప్పగించారు.

Related image

అతడిని అదుపులోకి తీసుకున్న పోలీసులు, విమానం గాల్లో ఉండగా ఆ వ్యక్తి అకస్మాత్తుగా దుస్తులు ఎందుకు విప్పాడన్న విషయంపై ఆరా తీస్తున్నారు. ప్రయాణికుడు వింత చర్యకు విమానంలోని 150 మంది ప్రయాణికులు ఒక్కసారిగా షాక్‌కు గురయ్యారు. ప్రయాణికుడిని భద్రతా సిబ్బందికి అప్పగించామని, అతడు ఎందుకు అలా ప్రవర్తించాడన్న దానిపై దర్యాప్తు జరుగుతోందని ఎయిరిండియా అధికార ప్రతినిధి ఒకరు తెలిపారు.ఎయిరిండియాకు చెందిన ఐఎక్స్-194 దుబాయ్- లక్నో విమానంలో చోటుచేసుకుంది. లక్నో విమానాశ్రయంలో ఉదయం 12 గంటలకు విమానం ల్యాండ్ అయిన తర్వాత కెప్టెన్ సూచనలతో ప్రయాణికుడిని భద్రతా సిబ్బందికి అప్పగించారని ఆయన తెలిపారు. ఇదే విమానం తిరిగి మధ్యాహ్నం 2 గంటలకు లక్నో నుంచి దుబాయ్ బయలుదేరి వెళ్లింది.

రెండేళ్ల కిందట భువనేశ్వర్- ఢిల్లీ ఇండిగో విమానంలోనూ ఇలాంటి ఘటనే చోటుచేసుకుంది. భువనేశ్వర్ నుంచి విమానం బయలుదేరిన తర్వాత ఓ ప్రయాణికుడు బాత్రూంలోకి వెళ్లి అక్కడ దుస్తులు మొత్తం విప్పేసి నానా హంగామా సృష్టించాడు. తొలుత విమానం ఎక్కి సీటులో కూర్చోగానే తనకు సీటుబెల్టు కట్టుకోవడం ఎలాగో తెలియదని చెప్పడంతో సిబ్బంది అతడికి సాయం చేశారు. తర్వాత అతడు బాత్రూంకు వెళ్లి.. అక్కడ ఉన్న కాల్ బెల్ కొట్టి, సాయం కావాలని సిబ్బందిని పిలిచాడు. వెంటనే సిబ్బంది అక్కడకు వెళ్లి చూడగా.. అతడు దుస్తులన్నీ విప్పేసి అభ్యంతరకర పరిస్థితిలో కనిపించాడు.మ‌రి చూశారుగా ఈ వింత ఘ‌ట‌న‌పై మీరేమనుకుంటున్నారో మీ అభిప్రాయాన్ని కామెంట్ల రూపంలో తెలిచేయండి.