భారీగా పెరిగిన బంగారం ధ‌ర‌లు సంక్రాంతి త‌ర్వాత రోజు షాక్

257

బంగారం ధరలు వరసగా ఈ వారంలో నాలుగు రోజులు మెరిశాయి సంక్రాంతి పండుగ ముగిసిన త‌ర్వాత బంగారం ధ‌ర‌లు త‌గ్గుతాయి అని అనుకున్న వారికి బంగారం హీట్ థ‌రల‌తో ఆకాశాన్ని అంటింది.. మంగళవారం పెరిగిన ధర (రూ. 25)తో పోలిస్తే బుధవారం పసిడి ధర దాదాపు 3 రెట్లు పెరిగి 34,000కు చేరువైంది. బుధవారం 10 గ్రాముల బంగారం ధర రూ.65 పెరుగుదలతో రూ.33,190కు చేరింది. బంగారం వ్యాపారుల నుంచి డిమాండ్ పెరగడం, అంతర్జాతీయంగా సానుకూల సంకేతాలతో పసిడి ధర పైపైకి వెళుతోంది. రెండు రోజుల్లో పసిడి ధర రూ. 250 పెరగడం పై బులియ‌న్ వ‌ర్గాలు కూడా ఆశ్చ‌ర్యం వ్య‌క్తం చేశారు. ఢిల్లీలో 10 గ్రాముల 24 క్యారెట్ల బంగారం ధర రూ. 65 పెరుగుదలతో రూ.33,190కు, 22 క్యారెట్ల బంగారం ధర రూ.33,040కు చేరింది.

 

 

బంగారం బాటలోనే వెండి ధరలు కూడా పెరిగాయి. నిన్నటితో పోలిస్తే.. కిలో వెండి ధర బుధవారం మూడు రెట్లు పెరిగింది. కేజీ వెండి ధర రూ.300 పెరుగుదలతో రూ.40,200కు చేరింది. నాణేపు తయారీదారుల నుంచి వెండికి డిమాండ్ కొనసాగుతోంది. ఇక ప్రభుత్వ సార్వభౌమ పసిడి పథకంలో 8 గ్రాముల బంగారం ధర రూ.25,400 వద్దే కొనసాగుతుండటం గమనార్హం. 100 వెండి నాణేల కొనుగోలు ధర రూ.77,000గా.. అమ్మకం ధర రూ.78,000గా స్థిరంగా కొనసాగాయి.

హైదరాబాద్‌లో 10 గ్రాముల 24 క్యారెట్ల బంగారం ధర రూ.32,400 ఉండగా.. 22 క్యారెట్ల బంగారం ధర రూ.30,910 వద్ద ట్రేడ్ అవుతోంది. ఇక విజయవాడలోనూ ఇవే ధరలు కొనసాగుతున్నాయి. ఇక కిలో వెండి ధర రూ.41,300 వద్ద కొనసాగుతోంది. మొత్తానికి ఇక మ‌రోనెల రోజులు మాత్రమే పెళ్లిళ్ల సీజ‌న్ కావ‌డంతో ఇప్ప‌టి నుంచేఈ థ‌ర‌లు ఎఫెక్ట్ చూపిస్తున్నాయి అంటున్నారు.