10 నిమిషాల్లో గుండె ఆపరేషన్..అంబులెన్స్ లో గుండె..8 కిమీ ఫుల్ ట్రాఫిక్…దాంతో ట్రాఫిక్ పోలీసులు ఏం చేశారో తెలిస్తే శభాష్ అంటారు..

340

రద్దీ సమయాల్లో ప్రధాన రహదారులపై ప్రయాణించడం అంత ఈజీ కాదు. కొన్నిసార్లు నాలుగైదు కిలోమీటర్లు వెళ్లడానికే గంటలు తరబడి ప్రయాణించాల్సి వస్తోంది. కానీ గురువారం మాత్రం ట్రాఫిక్ పోలీసుల చొరవతో సికింద్రాబాద్‌ నుంచి నాంపల్లికి గల 8 కిలోమీటర్ల దూరాన్ని కేవలం ఏడు నిమిషాల్లో ఓ అంబులెన్స్ చేరుకుని ఓ మహిళకు పునర్జన్మను ప్రసాదించింది.అసలేమైందో పూర్తీగా తెలుసుకుందామా.

సికింద్రాబాద్‌ యశోదా ఆసుపత్రిలో బ్రెయిన్ డెడ్ అయిన మంజుశ్రీ(51) గుండెను దానం చేయడానికి ఆమె కుటుంసభ్యులు అంగీకరించారు. ఇదే సమయంలో గుండె జబ్బుతో నాంపల్లి కేర్‌ ఆసుపత్రిలో చికిత్స పొందుతున్న నిజామాబాద్ మహిళ మేక ఆదిలక్ష్మి(47)కి గుండెమార్పిడి చికిత్స చేయాల్సి ఉంది.మంజుశ్రీ గుండెను ఆమెకు అమర్చేందుకు వైద్యులు నిర్ణయించడంతో గురువారం ఆంబులెన్స్‌లో యశోద నుంచి నాంపల్లి కేర్‌కు తరలించారు. మధ్యాహ్నం 12.46 గంటలకు యశోదా ఆసుపత్రి నుంచి బయలుదేరిన ఆంబులెన్స్‌ 12.53 గంటలకు కేర్‌ ఆసుపత్రికి చేరుకుంది.ట్రాఫిక్‌ పోలీసులు అంబులెన్స్‌కు గ్రీన్‌ఛానెల్‌ ఇవ్వడంతో తక్కువ సమయంలోనే వాహనం చేరుకోగలిగింది.ఆ సమయంలో అంబులెన్స్ ప్రయాణించే మార్గంలో ఇతర వాహనాలన్నింటినీ నిలిపివేశారు. గ్రీన్‌ఛానెల్‌ వ్యవహారం ట్రాఫిక్‌ అదనపు కమిషనర్‌ అనిల్‌కుమార్‌ పర్యవేక్షించారు.

సికింద్రాబాద్ యశోద, ప్యాట్నీ సెంటర్, బాటా షోరూం, బైబిల్ హౌస్, కర్బలా మైదాన్, లిబర్టీ, బషీర్‌బాగ్ ఫ్లైఓవర్, కేఎల్కే బిల్డింగ్, నాంపల్లి, గాంధీభవన్ మీదుగా అంబులెన్స్ సాగింది. వాహనదారులు కూడా సహకరించడంతో పోలీసుల ప్రయత్నం విజయవంతమైంది. కీలకమైన సమయంలో అంబులెన్స్ డ్రైవర్ వాహనాన్ని శరవేగంగా నడిపాడు. బయలుదేరిన దగ్గర నుంచి గమ్యం చేరే వరకూ ఒకటే వేగంతో అంబులెన్స్ నడపడం విశేషం.ఈ విషయం తెలుసుకున్న ఆదిలక్ష్మి కుటుంబ సభ్యులు ట్రాఫిక్ పోలీసులకు ధన్యవాదాలు తెలియజేశారు.ట్రాఫిక్ పోలీసులు గ్రీన్ ఛాలెంజ్ ఇవ్వకపోతే ఆదిలక్ష్మి ఆపరేషన్ జరిగేదే కాదు.చాలా సమయం వృధా అయ్యి ప్రాణాలు కూడా పోయే అవకాశం ఉండేది.ఈ విషయం తెలిసి అందరు ట్రాఫిక్ పోలీసులను మెచ్చుకుంటున్నారు.