కొత్త కాపురానికి వచ్చిన కోడలు అత్తకి వాట్సాప్ లో ఏమని మెసేజ్ చేసిందో చూస్తే నవ్వాపుకోలేరు

687

అత్తలేని కోడలుత్తమురాలు ఓయమ్మో..కోడల్లేని అత్త గుణవంతురాలు ఆహూ..ఆహూ…అని పాడుకోనివారుండరు.. ఒకప్పుడు అత్త అంటే హడల్.ఇప్పటికీ కూడా ఆ అత్త పేరులో ఏవో వైబ్రేషన్స్ ఉన్నట్టనిపిస్తాయి..కోడళ్లని రాచిరంపాన పెట్టిన అత్తలున్నారు అలాగే అత్తలను సరిగ్గా చూసుకోని కోడళ్లు ఉన్నారు.అయితే రాను రాను పరిస్థితులు మారాయి..అత్తలు అమ్మస్థానాన్ని,కోడళ్లు కూతర్ల స్థానాన్ని తీసుకుంటున్నారు.తమకు తెలియని వాటిని అత్తలనుండి అడిగి తెలుసుకుంటున్నారు.మోడ్రన్ కోడళ్లకు తగ్గట్టు అత్తలు అప్ డేట్ అవుతున్నారు.అయితే కోడల్ని అదుపులో పెట్టుకోవాలనుకుని ఒక అత్త పెట్టిన షరతులను ఒక కోడలు ఎలా తిప్పికొట్టిందో తెలుసా..ఇదే విషయానికి సంభందించిన ఒక లెటర్ ఇప్పుడు సోషల్ మీడియాలో వైరల్ అవుతుంది.చదువుకుంటే మాత్రం పక్కా నవ్వుకుంటారు.మరి గడసరి కోడలు రాసిన ఉత్తరంలో ఏముందో పూర్తీగా తెలుసుకుందామా.

Image result for girl chatting

ప్రియమైన అత్తయ్య గారి పాద పద్మములకు ఆపాద మస్తకపు నమస్కారాలు తెలియజేస్తూ,
మీ కొత్త కోడలు వ్రాయునది ఏమనగానేను కాపురానికి వస్తున్నప్పుడు మీరు నాకు చెప్పిన అన్నిటిని తూచా తప్పకుండా పాటిస్తున్నాను. కొత్తసంసారం పాలు పొంగినట్టు పొంగి పొర్లాలి అని చెప్పారు. అందుకే రోజుకి రెండు లీటర్ల పాలు పొంగిస్తున్నాను. పొంగి పొర్లగా మిగిలిన పాలతో టీ చేసుకుని తాగుతున్నాం, కాకపోతే రెండు నెలలకే స్టవ్ కమురు కంపు కొట్టటం తో నిన్ననే కొత్త స్టవ్ కొనుక్కొచ్చాను.పనీ, పాటా నేర్చుకోమన్నా మీ మాట మీద గౌరవం తో రోజుకి 5 గంటలు, ఏఆర్ రెహ్మాన్ పాటలు వింటూ ప్రాక్టీస్ చేస్తున్నాను. పాట నేర్చుకోవడం పూర్తి కాగానే పని నేర్చుకోవడం ప్రారంభం చేస్తాను.

Image result for girl chatting

మీ అబ్బాయి ఆరోగ్యం పట్ల జాగ్రత్త వహించమని చెప్పారు కదా అందుకే, వారి ఆరోగ్యం దృష్ట్యా రోజుకి ఒక్కసారి మాత్రమే భోజనం పెడుతున్నాను.భర్త ని కష్ట పెట్టకూడదు అన్న మీ మాట గుర్తుకొచ్చి ఉదయం మాత్రమే వంట చేయిస్తున్నాను.చుట్టుపక్కల వారితో జాగ్రత్త అని చెప్పారుగా అత్తయ్యా అందుకే నిన్న ఎదిరింటావిడ పలకరించబోతే ముఖం మీదే తలుపులు వేసాను. ఆవిడ ముఖం మీరు చేసిన చపాతీలా మాడిమసిబొగ్గయింది.పొదుపు చేయమన్న మీ మాట తో వారానికి ఒక్క డ్రస్ మాత్రమే కొనుకుంటున్నాను.అలాగే రెండు సినిమాలు మాత్రమే చూస్తున్నాం. ఈ నెల పొదుపు చేసిన డబ్బు తో మీ అబ్బాయికి కొత్త కర్చీఫ్ కొనిచ్చాను.పతియే ప్రత్యక్ష దైవం అని చెప్పారు కదా అందుకే నిన్న వైకుంఠ ఏకాదశి అని పూజ చేసి మీ అబ్బాయి కాళ్ళ మీద కొబ్బరికాయ కొట్టాను. పాపం కాలు వేలు చిట్లి రక్తం వస్తే కట్టు కూడా కట్టాను.తొందర్లోనే తగ్గిపోతుంది లెండి.మీరు ఇంకా నాకు ఏమైనా సలహాలు ఇవ్వాలంటే వివరంగా ఉత్తరం రాయగలరు…

ఈ క్రింద వీడియో మీరు చూడండి

ఇట్లు
మీ ప్రియమైన
కుమారుని పాద దాసి
మీ కోడలు

విన్నారుగా ఈ గడసరి కోడలు తన అత్తకు రాసిన లెటర్ ఎంత ఫన్నిగా ఉందో.తనకు సలహాలు ఇచ్చిన అత్తకు ఈ కోడలు భలే బుద్ధి చెప్పింది కదా.మరి ఈ విషయం గురించి మీరేమంటారు.ఈ కోడలు అత్తకు రాసిన లెటర్ గురించి అలాగే అత్తకోడళ్ళ మద్య ఉంటున్న రిలేషన్ గురించి మీ అభిప్రాయాలను మాకు కామెంట్ రూపంలో చెప్పండి.