Breaking News : ఘోర అగ్నిప్రమాదం…. 70 మంది మృతి

248

ఏదో ఒక చోట అగ్ని ప్రమాదాలు జరుగుతూనే ఉన్నాయి. విద్యుదాఘాతం, ఎండ వేడిమి ప్రమాదాలకు కారణాలవుతున్నాయి. ప్రకృతి వైపరీత్యాల వల్ల సంభవించే బీభత్సాలను పక్కన పెడితే మనిషి అజాగ్రత్త వల్ల జరిగే అగ్నిప్రమాదాలే ఎక్కువని చెప్పొచ్చు.ఏమాత్రం అజాగ్రత్తగా వ్యవహరించినా పెద్దపెద్ద అగ్నిప్రమాదాలు జరిగే ఆస్కారముంది. ముందుజాగ్రత్తగా కొన్ని నియమాలను పాటిస్తే వాటిని అరికట్టొచ్చు.అయినా వాటిని వారు పాటించరు.అందుకే అగ్నిప్రమాదాలను అరికట్టలేకపోతున్నాం. ఇప్పుడు మరొక అగ్ని ప్రమాదం చోటుచేసుకుంది.మరి ఆ ప్రమాదం గురించి పూర్తీగా తెలుసుకుందామా.

bangladesh-fire-accidentబంగ్లాదేశ్‌ రాజధాని ఢాకాలో ఘోర అగ్నిప్రమాదం జరిగింది. బుధవారం రాత్రి పదిన్నర గంటల సమయంలో ఢాకాలోని చౌక్ బజార్ అపార్ట్‌మెంట్‌‌లో మంటలు చెలరేగాయి. ఈ ప్రమాదంలో 70మంది సజీవ దహనం కాగా.. 50మందికి పైగా తీవ్రంగా గాయపడ్డారు. మృతుల సంఖ్య మరింత పెరిగే అవకాశం ఉన్నట్లు అధికారులు చెబుతున్నారు. అపార్ట్‌మెంట్‌లో అక్రమంగా నిర్వహిస్తున్న కెమికల్ గోడౌన్‌లో గ్యాస్ లీకై మంటలు చెలరేగినట్లు ప్రత్యక్ష సాక్షులు చెబుతున్నారు. మంటలు భారీగా ఎగిసిపడుతూ చుట్టుపక్కల మరో రెండు భవనాలకు వ్యాపించాయి. సమాచారం అందుకున్న అగ్నిమాపక సిబ్బంది ఘటనాస్థలికి చేరుకుని మంటలు అదుపు చేసేందుకు యత్నిస్తున్నారు. మంటల్లో చిక్కుకున్న వారిని రక్షించేందుకు సహాయక చర్యలు చేపట్టారు. సుమారు 200 మంది ఫైర్ సిబ్బంది సహాయచర్యల్లో పాల్గొంటున్నారు.

ఈ క్రింది వీడియో చూడండి 

మంటలు భారీగా ఎగసిపడుతుండటంతో హెలికాప్టర్ సాయంతో నీళ్లు జల్లుతున్నారు. ఈ ప్రమాదం సంభవించిన ప్రాంతానికి సమీపంలో ఓ వివాహ రెసెప్షన్ జరుగుతోంది. అగ్నికీలలు అక్కడికి వ్యాపించడంతో ఈ కార్యక్రమానికి హాజరైన పలువురు గాయపడ్డారు. ఈ ఘటనలో రెండు కార్లు, 10 సైకిల్ రిక్షాలు దగ్ధమైనట్లు ఢాకా మెట్రోపాలిటన్ పోలీస్ అధికారి ఇబ్రహీం ఖాన్ తెలిపారు. సమీపంలోని ఓ రెస్టారెంట్‌లో బర్త్‌డే వేడుకు హాజరైన వారు కూడా చాలామంది గాయపడినట్లు చెప్పారు. మరీ ఈ ఘటన గురించి మీరేమంటారు.ఈ అగ్నిప్రమాదం గురించి అలాగే అగ్నిప్రమాదాలు జరగకుండా ఉండాలంటే ఎలాంటి చర్యలు తీసుకోవాలో మాకు కామెంట్ రూపంలో చెప్పి అందరికి తెలిసేలా చెయ్యండి.