Breaking News -మాజీ ఎమ్మెల్యే దారుణ హత్య

278

ప్ర‌జాపాల‌కులకు ర‌క్ష‌ణ క‌రువైంది వారిని నేరుగా కొంద‌రు టార్గెట్ చేస్తున్నారు ఇప్ప‌టికే వారికి పూర్తి ర‌క్ష‌ణ ఇస్తున్న ప్ర‌భుత్వాలు కొన్ని సార్లు ఫెయిల్ అవుతున్నాయి… తాజాగా ఇలాంటి దారుణం మ‌రొక‌టి జ‌రిగింది.. గుజరాత్‌కు చెందిన మాజీ ఎమ్మెల్యే జయంతీలాల్‌ భానుషలీ రైలులో దారుణ హత్యకు గురయ్యారు. గుర్తు తెలియని దుండగులు ఆయనను తుపాకీతో కాల్చి చంపారు. భుజ్‌ నుంచి అహ్మదాబాద్‌ వెళ్లే సజయీ నగరీ ఎక్స్‌ప్రెస్‌లో ప్రయాణిస్తున్న సమయంలో సోమవారం రాత్రి ఈ ఘటన చోటుచేసుకుంది. గుజరాత్‌ రాష్ట్ర బీజేపీ ఉపాధ్యక్షుడిగా, అబుదాస నియోజకవర్గ ఎమ్మెల్యేగా పనిచేసిన జయంతీలాల్‌ భానుషలీపై అత్యాచార ఆరోపణలు ఉన్నాయి. గతంలో జయంతీలాల్‌ తనపై అకృత్యానికి పాల్పడ్డారంటూ సూరత్‌కు చెందిన ఓ మహిళ ఫిర్యాదు చేసింది. ఈ క్రమంలో ఆయన తన పదవికి రాజీనామా చేశారు. అయితే డబ్బు కోసమే తన భార్య ఇలాంటి తప్పుడు ఆరోపణలు చేసిందంటూ ఆమె భర్త పేర్కొనడంతో ఈ కేసుపై అనుమానాలు నెలకొన్నాయి.

కాగా వ్యక్తిగత పగతోనే దుండగులు జయంతీలాల్‌ను హత్య చేసి ఉంటారని పోలీసులు తెలిపారు. ఘటనా స్థలంలో ఓ తుపాకీ లభించిందని, ఈ నేపథ్యంలో జయంతీలాల్‌ తనను తాను కాల్చుకుని ఆత్మహత్యకు పాల్పడ్డారా అనే కోణంలో కూడా దర్యాప్తు చేస్తున్నామని పేర్కొన్నారు. ఇక ఇక్క‌డ తుపాకి పై ఫింగ‌ర్ ప్రింట్స్ అలాగే రిజ‌ర్వేష‌న్ లిస్టు ప్ర‌కారం సీసీ టీవీల డేటా స్టేష‌న్లో ప‌రిశీల‌న చేస్తున్నారు పోలీసులు, క‌చ్చితంగా ఈ దోషుల‌ను ప‌ట్టుకుంటాము అని అక్క‌డపోలీసులు తెలియచేస్తున్నారు.