పంజాబ్ రైలు ప్ర‌మాదానికి కార‌ణం ఇదే ప్ర‌త్య‌క్ష సాక్షిచెప్పిన షాకింగ్ విష‌యాలు

317

పంజాబ్‌లోని అమృత్‌సర్‌లో చోటుచేసుకున్న ఘోర ప్రమాదంలో మృతులసంఖ్య పెరుగుతోంది. అధికారుల లెక్క ప్రకారం ఇప్పటివరకు 60 మంది వరకు చనిపోయారు. అయితే, మృతుల సంఖ్య ఇంకా పెరిగే అవకాశం ఉందని తెలుస్తోంది. దసరా సందర్భంగా జోదా ఫటక్ ప్రాంతంలోని మైదనాంలో రావణ దహనం కార్యక్రమం నిర్వహించారు.ఈ వేడుకను చూసేందుకు భారీ సంఖ్యలో ప్రజలు పరిసర ప్రాంతాలకు చేరుకున్నారు. సుమారు 600 నుంచి 700 మంది రైలు పట్టాలపైకి ఎక్కి రావణ దహనాన్ని వీక్షిస్తున్నారు. రావణుడి విగ్రహం దహనం సమయంలో భారీగా బాణాసంచా పేలింది. దీంతో రైలు పట్టాలపై నిల్చున్న జనానికి రైలు కూత వినపడలేదు. ఆ సమయంలో రైలు వేగంగా రావ‌డంతో, దానిని గుర్తించేలోపే ఘోరం జరిగిపోయింది. రెప్పపాటు వ్యవధిలో నిండు ప్రాణాలు గాల్లో కలిసిపోయాయి. ప‌దుల సంఖ్య‌లో శరీరాలు చిధ్రమయ్యాయి.

పంజాబ్‌ ప్రమాద ఘటనపై రాష్ట్రపతి రామ్‌నాథ్‌ కోవింద్‌ దిగ్భ్రాంతి వ్యక్తంచేశారు. క్షతగాత్రులను ఆదుకోడానికి రైల్వే, స్థానిక యంత్రాంగం సాయం చేయాలని కోరారు. మృతుల కుటుంబాలకు ప్రగాఢ సానుభూతి తెలిపారు. ప్రధాని నరేంద్ర మోదీ స్పందిస్తూ.. రైలు దుర్ఘటన తనను తీవ్ర మనస్తాపానికి గురిచేసిందన్నారు. క్షతగాత్రులు త్వరగా కోలుకోవాలన్నారు. మృతుల కుటుంబాలకు సానుభూతి వ్యక్తం చేశారు. ప్రమాద స్థలంలో తక్షణం సహాయక చర్యలు చేపట్టాలని అధికారులను ఆదేశించారు. కాంగ్రెస్‌ అధ్యక్షుడు రాహుల్‌గాంధీ ప్రమాదంపై తీవ్ర దిగ్భ్రాంతి వ్యక్తం చేశారు. కాంగ్రెస్ కార్యకర్తలంతా సహాయక చర్యల్లో పాల్గోవాలని సూచించారు. కేంద్ర హోంశాఖ మంత్రి రాజ్‌నాథ్‌సింగ్‌, రైల్వే శాఖ మంత్రి పియూష్ గోయాల్ తదితర నేతలు ప్రమాదంపై దిగ్భ్రాంతి వ్యక్తం చేశారు.

ప్రమాదం వార్త తెలియగానే పంజాబ్‌ ముఖ్యమంత్రి అమరీందర్‌ సింగ్‌ దిగ్భ్రాంతి వ్యక్తం చేశారు. క్షతగాత్రులను రక్షించేందుకు ప్రభుత్వం అన్ని చర్యలు తీసుకుంటుందని, జిల్లా అధికారులు వెంటనే ఘటనా స్థలికి చేరుకుని సహాయక చర్యలు పర్యవేక్షించాని ఆయన ఆదేశించారు. ప్ర‌మాదంలో మృతుల కుటుంబాలకు రూ.5 లక్షల చొప్పున పరిహారం ప్రకటించారు. పంజాబ్ ఘటనపై ఢిల్లీ ముఖ్యమంత్రి అరవింద్ కెజ్రీవాల్ కూడా స్పందించారు. ప్రమాదవార్త తనను షాక్‌కు గురిచేసిందన్నారు. అంతా స్వచ్ఛంగా ముందుకొచ్చి సాయం చేయాలని కోరారు. ఇక ముఖ్యంగా రైలు వ‌చ్చిన స‌మ‌యంలో వెనుక ఉన్న వారు చెబుతున్న‌ప్ర‌కారం ఆ ట్రైన్ స్పీడుగా వ‌చ్చింది మాకు అతి స‌మీపంలోకి వ‌చ్చిన త‌ర్వాత మాత్ర‌మే హార‌న్ వినిపించింది అని ఈలోపే జ‌నాల‌పైకి వ‌చ్చింది అని చెబుతున్నారు. మొత్తానికి బాణాసంచా శ‌బ్దాల‌వ‌ల్ల ఎవ‌రూ గుర్తించ‌లేక‌పోయారు అని అందుకే ఈ ప్ర‌మాదం జ‌రిగింది అని చెబుతున్నారు.