ద‌స‌రా వేడుక‌ల్లో దారుణం వేగంగా వ‌చ్చిన రైలు ఢీకొని 61 మంది మృతి

47

మ‌న దేశంలో ద‌స‌రా రోజు వేడుక‌లు అంగ‌రంగ‌వైభ‌వంగా జరుగుతాయి. దేశంలో రావ‌ణ ద‌హ‌ణ కార్య‌క్ర‌మాన్ని చాలా ప్రాంతాల్లో జ‌రుపుతారు..ఈ స‌మ‌యంలో రావ‌ణుడి ద‌హ‌నాన్ని చూసేందుకు అనేక మంది త‌ర‌లి వ‌స్తారు.. కాని ఇలాంటి స‌మ‌యంలో ఓ దారుణం చోటుచేసుకుంది…పంజాబ్‌లోని అమృత్‌సర్‌లో ఘోర విషాదం చోటుచేసుకుంది. రావణ దహానాన్ని చూసేందుకు రైలు పట్టాలపై నిలబడినవారిని రైలు ఢీకొనడంతో 61 మంది మృతి చెందారు. దసరా వేడుకలు పురస్కరించుకుని చౌడా బజార్‌లోని మైదానంలో శుక్రవారం రాత్రి రావణ దహన కార్యక్రమం నిర్వహించారు.

ఈ వేడుకను చూసేందుకు వందలాది మంది జోడా ఫటాక్‌‌కి చేరుకున్నారు. చాలామంది రైల్వే పట్టాలపై నిల్చుని రావణ దహనాన్ని చూస్తున్న సమయంలో అతి వేగంగా వస్తున్న రైలు ఢీకొట్టింది. దీంతో ఆ ప్రాంతం క్షణాల్లోనే రక్తసిక్తమైంది. ఎక్కడ చూసిన తెగిన శరీర భాగాలే కనిపించాయి. ఈ ఘటనలో గాయపడిన వ్యక్తులను హుటాహుటిన ఆసుపత్రికి తరలించారు. పోలీసుల వైఫల్యం వల్లే ఈ ఘటన చోటు చేసుకుందని స్థానికులు ఆరోపిస్తున్నారు. ఈ ఘటనలో మొత్తం ఎంతమంది చనిపోయారనేది ఇంకా తెలియాల్సి ఉంది.

రావణ దహనంలో బాణాసంచాల పేలుళ్ల వల్ల రైలు వస్తున్న సంగతి గుర్తించలేదని ప్రత్యక్ష సాక్షులు తెలిపారు. స్పందించే లోపే రైలు రెప్పపాటు వేగంతో జనం మీద నుంచి దూసుకెళ్లిందన్నారు. పోలీసులు ముందుగా అప్రమత్తమై ట్రాక్ మీద ప్రజలు ట్రాక్ మీదకు రాకుండా ఏర్పాట్లు చేయకపోవడం వల్లే ఈ ఘోరం జరిగిందని, రైల్వే అధికారులకు ముందుగానే సమాచారం ఇచ్చి ఉంటే ఈ దారుణం చోటుచేసుకోకపోదునని స్థానికులు తెలిపారు. ఘటన సమయంలో సుమారు 600 నుంచి 700 మంది జనం అక్కడ ఉన్నట్లు అంచనా వేస్తున్నారు. రాత్రి వేళ కావడంతో చెల్లాచెదురైన మృత దేహాలను గుర్తించడం కష్టతరంగా మారింది. ఈ ప్రమాదంలో గాయపడిన క్షతగాత్రుల ఆర్తనాదాలతో సంఘటన స్థలంలో విషాద వాతావరణం నెలకొంది. దీనిపై దేశ వ్యాప్తంగా ప్ర‌జ‌లు ఈ వీడియెని సోష‌ల్ మీడియా ద్వారా చూసి వారికి శ్ర‌ద్దాంజ‌లి తెలిపారు.
ఇటువంటి దారుణ‌మైన విషాదం పై పంజాబ్ స‌ర్కారు విచార‌ణ‌కు ఆదేశించింది అని తెలుస్తోంది. ఇక చీక‌టిగా ఉండ‌టం పేళుళ్ల శ‌బ్దానికి ఎటువంటి జ‌నం కనిపించ‌క ట్రైన్ అక్క‌డ వారిని డీకొట్టింది అని తెలుస్తోంది.