జీవితాంతం కలిసుండాలని ఏడుగురు అమ్మాయిలు ఏం చేశారో తెలిసి ప్రపంచమే షాక్

147

అనగనగా ఏడుగురు అమ్మాయిలు. వారంతా చిన్నప్పటి నుంచి జిగిడీ దోస్తులు. వారి మధ్య పచ్చగడ్డి వేస్తే గూంగూర పచ్చడంత టేస్ట్ వస్తుంది. యెటకారం కాదండోయ్.. వారి మధ్య ఉన్న మమకారం అలాంటిది. ఇన్నేళ్ల జీవితంలో వారెప్పుడూ పోట్లాడుకోలేదు. ఒకరిపై ఒకరు చాడీలూ చెప్పుకుని విడిపోలేదు. తమ స్నేహం జీవితాంతం కొనసాగాలనే ఉద్దేశంతో ఇప్పుడు వాళ్ళు తీసుకున్న నిర్ణయం అందరి చేత శభాష్ అనిపిస్తుంది. మరి వాళ్ళు ఏం చేశారో చూద్దామా.

Related image

దక్షిణ చైనాలోని గ్వంగ్స్యూ‌ ప్రాంతానికి చెందిన ఏడుగురు అమ్మాయిలు బెస్ట్ ఫ్రెండ్స్. వీళ్ళు ఒకరిని విడిచి ఒకరు ఉండలేరు. అందుకే జీవితాంతం కలిసుండాలని ఇంద్రభవనాన్నే కట్టేశారు. రక్త సంబంధికులు కూడా కలిసుంటే కొట్టుకునే ఈ రోజుల్లో ఆ ఏడుగురు ఒకే ఇంట్లో సంతోషంగా జీవిస్తున్నారంటే నిజంగా ఆశ్చర్యకరమే. దక్షిణ చైనాలోని గ్వంగ్స్యూ‌లోని 7,535 చదరపు అడుగుల ఇంట్లో నివసిస్తున్న ఈ ఏడుగురు స్నేహితులు రిటైర్మెంట్ తర్వాత జీవితాంతం ఒకే ఇంట్లో కలిసి జీవించాలని నిర్ణయించుకున్నారు. ఈ సందర్భంగా తాము దాచుకున్న డబ్బుతో 2008లో ఇంద్రభవనమంత ఇంటిని కట్టుకున్నారు. ఆ ఇంటి కోసం వెతుకుతున్న సమయంలో సగం నిర్మాణంలో ఉన్న ఇల్లు కనిపించింది. మధ్యలోనే ఆపేసిన ఆ భవనాన్ని కొనుగోలు చేసి.. వారికి నచ్చిన విధంగా మార్పులు చేసుకున్నారు. ఇందులో ఏడుగురికి వేర్వేరు బెడ్‌రూమ్‌లు ఏర్పాటు చేసుకున్నారు. డైనింగ్ రూమ్, పెద్ద కిచెన్, లివింగ్ రూమ్‌లో ఈ భవనాన్ని తీర్చిదిద్దారు. అంతేగాక ఇంటి వెనుక ఉన్న పొలాల్లోకి చెక్క వంతెనతో అందమైన మండపాన్ని కూడా ఏర్పాటు చేసుకున్నారు.

ఈ క్రింది వీడియో చూడండి

సాయంత్రం వేళల్లో వీరంతా అక్కడ కూర్చొని టీ తాగుతూ ముచ్చట్లు చెప్పుకుంటారు. మరి వీరికి పెళ్లిల్లు కాలేదా? అనే కదా మీ ప్రశ్న. ఈ ఏడుగురికి పెళ్లిళ్లూ అయ్యాయి. పిల్లలు కూడా ఉన్నారు. వారు కూడా ఈ ఇంట్లోనే ఉంటున్నారు. ఉదయాన్నే లేవగానే ఆ ఏడుగురు తమ కుటుంబ సభ్యులకు వంటలు చేయడంలో బిజీగా ఉంటారు. పనులన్నీ పూర్తయిన తర్వాత సరదాగా కబుర్లు చెప్పుకుంటారు. ఇంటిని అందంగా చక్కబెడతారు. చూశారుగా.. వీరి అందమైన జీవితం. మీకు కూడా మీ స్నేహితులతో ఇలా కలిసి ఉండాలని అనిపిస్తుందా? అయితే.. ఇది కొంచెం కష్టమే కావచ్చు. ఎందుకంటే.. చైనాలో 18 ఏళ్ల వయస్సు నుంచే ఉద్యోగ ప్రయత్నాలు చేస్తారు. అలా వచ్చే డబ్బును అనవసర ఖర్చులు చేయకుండా పైసా పైసా దాచుకుంటారు. ఆ మొత్తాన్ని తమ రిటైర్మెంట్ తర్వాత ఖర్చు చేసుకుంటూ శేష జీవితం గడుపుతారు. ఈ స్నేహితులు కూడా తమ డబ్బును దాచి పెట్టుకుని ఇల్లు నిర్మించుకున్నారు. తమ కుటుంబాలతో కలిసి హాయిగా జీవిస్తున్నారు. ఏది ఏమైనా ఇలాంటి లైఫ్ చాలా అరుదు కదూ. మరి ఈ ఏడుగురు అమ్మాయిలు జీవితాంతం కలిసుండటానికి ఇంటిని నిర్మించుకున్న ఈ ఘటన గురించి మీ అభిప్రాయాలను మాకు కామెంట్ రూపంలో చెప్పండి.