సముద్రంలో వింత అలలు..ఆ ముప్పు తప్పదా? బ్రహ్మం గారు చెప్పెనట్టే జరుగుతుందా.?

72

చెన్నై సముద్ర తీరంలో వింత చోటుచేసుకుంది. రాత్రివేళ సముద్ర అలలు నీలి రంగులో కాంతులు వెదజల్లడం చూసి ప్రజలు షాకయ్యారు. ఎలాంటి విద్యుత్తు దీపాలు లేకుండా సముద్రం నుంచి ఆ కాంతులు ఎలా వస్తున్నాయంటూ ఆశ్చర్యపోయారు. వాస్తవానికి చెన్నై తీరంలోని నీలి రంగు కాంతులు నీటి వల్ల ఏర్పడలేదు. అలాగని విద్యుత్ దీపాల వల్ల కూడా కాదు. సముద్రంలో జీవించే అరుదైన జాతుల వల్ల ఆ కాంతులు ఏర్పడ్డాయి. వీటిని బయోలుమినిసెన్స్ ఫైటోప్లాంక్టన్ అని అంటారు. ఇలాంటివి ఎక్కువగా పసిఫిక్ సముద్రం తీరంలోని కాలిఫోర్నియా బీచ్‌లలో ఎక్కువగా కనిపిస్తాయి. కొన్ని దీవులైతే వీటి ప్రభావం వల్ల ఎల్‌ఈడీ లైట్ల తరహాలో వెలుగులు చిమ్ముతున్నాయి. వీటిని ‘సీ స్పార్కిల్స్’ అని కూడా పిలుస్తారు.

Image result for beach in night time

ఇటీవల ఈ కాంతులు మాల్దీవుల్లో కూడా కనిపించాయి. చెన్నైలోని తిరువమియుర్, పాలవక్కం, ఇంజంబక్కం సముద్ర తీరాల్లో ఈ కాంతులు కనిపించినట్లు చెన్నైవాసులు తెలిపారు. ఈ ఫొటోలు సోషల్ మీడియాలోనూ వైరల్‌గా చక్కర్లు కొడుతున్నాయి. ఈ వింత కాంతులు ప్రజలకు సరికొత్త అనుభూతినైతే పంచుతున్నాయి. కానీ, శాస్త్రవేత్తల్లో మాత్రం ఆందోళన రేకెత్తిస్తున్నాయి. కెరటాల తాకిడి వల్ల ఫైటో‌ప్లాంక్టన్‌లో ఉండే రసాయనిక శక్తి విద్యుత్ శక్తిగా మారి నీలం రంగులో మెరుస్తాయి. సముద్ర పర్యావరణ వ్యవస్థలో మార్పుల వల్లే బయోలుమినిసెన్స్ ఫైటోప్లాంక్టన్ ఏర్పడుతున్నాయని శాస్త్రవేత్తలు తెలుపుతున్నారు. దీనివల్ల రానున్న రోజుల్లో తమిళనాడు సముద్ర తీరానికి ముప్ప వాటిల్లే ప్రమాదం ఉందని హెచ్చరిస్తున్నారు. వాతావరణ మార్పుల వల్ల వేడెక్కుతున్న సముద్ర మార్పులను ఇది సూచిస్తుందని తెలుపుతున్నారు. ఈ పరిస్థితిని ‘నోక్టిలుకా ఆల్గే’ అంటారు. ‘నోక్టిలుకా ఆల్గే’ వల్ల సముద్రంలో పాచి వంటి జీవులు వృద్ధి చెందుతాయి. అవే బయోలుమినిసెన్స్ ఫైటోప్లాంక్టన్స్. చూసేందుకు నాచులా కనిపించినా ఇవి పూర్తిగా మాంసాహారులు. ఇవి సముద్రంలో ఉండే స్టార్ ఫిష్ , జెల్లీ ఫిష్, అంగ్లేర్ ఫిష్‌లను ఆహారంగా తీసుకుంటాయి. అలాగే మిణుగురు పురుగులను కూడా ఆకర్షించి తినేస్తాయి.

ఈ క్రింద వీడియో చూడండి

కెరటాలు తాకినప్పుడు ఇవి ఆక్సిజన్‌ను గ్రహించడం ద్వారా రసాయనిక చర్యకు గురవ్వుతాయి. ఫలితంగా నీలం రంగులో మెరుస్తాయి. ఇవి సముద్ర జీవుల ఆహార గొలుసును దెబ్బతీసే అవకాశాలు ఉన్నాయని శాస్త్రవేత్తలు ఆందోళన వ్యక్తం చేస్తున్నారు. పైగా ఇవి సముద్రంలోకి అత్యధిక అమ్మోనియంను విడుదల చేస్తాయన్నారు. ఆక్సిజన్ లోటు, సముద్ర కాలుష్యం ఎక్కువగా ఉండే ప్రాంతాల్లో ఇవి తిష్టవేస్తాయని తెలిపారు. అందంగా కనిపించే నీలి కాంతుల జీవులు.. భవిష్యత్తులో తూర్పు తీర ప్రాంతానికి భారీ ముప్పే తెచ్చిపెడతాయని అంటున్నారు. ఆ వింతను చూసేందుకు నగర ప్రజలంతా సముద్ర తీరాని భారీ సంఖ్యలో చేరుకున్నారు. అయితే ప్రజలు మాత్రం ఇది దేవుడి లీల అని అంటున్నారు. ఇలా జరుగుతుందని బ్రహ్మంగారు ఎప్పుడో చెప్పారు. సముద్ర నీళ్లు పూర్తీ నీలం రంగులోకి మారును..అప్పుడు పెద్ద ప్రళయం వచ్చును అని బ్రహ్మంగారు కాలజ్ఞానంలో చెప్పాడని ప్రజలు అనుకుంటున్నారు.