ఆమె వల్లే వాజ్ పెయి పెళ్లి ఎందుకు చేసుకోలేదు.. కారణం ఏమిటంటే?

524

మాజీ ప్రధాని, భారత రత్న అటల్ బిహారీ వాజ్‌పేయి ఈ లోకాన్ని విడిచివెళ్లారు. అనారోగ్యంతో బాధపడుతున్న ఆయన.. పరిస్థితి విషమించడంతో తుదిశ్వాస విడిచారు. ఆయన మరణం పట్ల బీజేపీ శ్రేణులతోపాటు దేశం మొత్తం విషాదంలో కూరుకుపోయింది. దేశం ఓ గొప్ప పుత్రుణ్ని కోల్పోయిందని ప్రధానితోపాటు, రాష్ట్రపతి, ఉపరాష్ట్రపతి తదితరులు తీవ్ర దిగ్భ్రాంతి వ్యక్తం చేశారు. దేశ సేవ కోసం జీవితాన్ని అంకితం చేసిన వాజ్‌పేయి వ్యక్తిగత జీవితం గురించి తెలుసుకోవడం కోసం అందరూ ఆసక్తి కనబరుస్తున్నారు.

ముఖ్యంగా వాజ్‌పేయి ఎందుకు పెళ్లి చేసుకోలేదనే ప్రశ్న అందరి మదిని తొలుస్తోంది. ఇదే ప్రశ్నను గతంలో వాజ్‌పేయినే అడగ్గా.. నన్ను పెళ్లి చేసుకోవడానికి ఎవరూ ముందుకు రాలేదని ఆయన సరదాగా బదులిచ్చారు. నేను బ్యాచిలర్‌ను మాత్రమే.. బ్రహ్మచారిని కాదని ఆయనే ఓ సందర్భంలో చెప్పడం గమనార్హం. వాజ్‌పేయి గ్వాలియర్‌లోని విక్టోరియా కాలేజీ (ప్రస్తుతం లక్ష్మీబాయి కాలేజీ) లో చదివే రోజుల్లో తన సహధ్యాయి రాజ్‌కుమారి కౌల్‌‌తో స్నేహంగా మెలిగేవారు. తర్వాత ఆమెకు పెళ్లయ్యింది. ఆమె భర్త బీఎన్ కౌల్ ఢిల్లీలో ఫిలాసఫీ ప్రొఫెసర్‌గా పని చేసేవారు. కౌల్ భర్తతో కలిసి ఢిల్లీ రావడంతో తిరిగి వాజ్‌పేయితో ఆమెకు స్నేహం ఏర్పడింది.

దాంపత్యం సాఫీగా సాగుతున్న తరుణంలో కౌల్ భర్త మరణించారు. అప్పటికే ఆమెకు ఆడ పిల్లలున్నారు. తన స్నేహితురాలి పరిస్థితి చూసి చలించిపోయిన వాజ్‌పేయి.. వారిని తన ఇంట్లోనే ఉండిపోమన్నారు. ఆమె కుమార్తె అయిన నమిత భట్టాచార్యను వాజ్‌పేయి దత్తత తీసుకున్నారు. వాజ్‌పేయితో సన్నిహితంగా మెలిగే బీజేపీ నాయకులకు రాజ్‌కుమారీ కౌల్ అంటే గౌరవం ఉండేది. ఆమె 2014లో కార్డియాక్ అరెస్ట్‌తో ఎయిమ్స్‌లోనే మరణించారు.అప్పటికే మంచానికే పరిమితమైన వాజ్‌పేయి.. కౌల్ మరణంతో మరింత కుంగిపోయారు. ఆమె అంత్యక్రియలకు అద్వానీ, రాజ్‌నాథ్, సుష్మా స్వరాజ్, అరుణ్ జైట్లీ, రవిశంకర ప్రసాద్ తదితర నేతలు హాజరయ్యారు. ఎన్నికల ప్రచారంలో తలమునకలై ఉండటం వల్ల మోదీ హాజరు కాలేకపోయారు.

స్నేహితురాలైన కౌల్ బాధ్యత తీసుకోవడం, ఆమె కుమార్తెను పెంచడం మినహా.. వాజ్‌పేయి పెళ్లాడలేదనేది వాస్తవం. ఒకరి పట్ల మరొకరికి ఎంతో గౌరవం ఉండేది. వీరిద్దరే కాదు.. నమితను పెళ్లాడిన రంజన్ భట్టాచార్య కూడా వాజ్‌పేయికి సన్నిహితంగా మెలిగేవాడు. వాజ్‌పేయిని తండ్రి సమానుడిలా చూసేవాడు. ఇది ఆయ‌న గొప్ప‌త‌నం.. చూశారుగా ఈ వీడియోపై మీ అభిప్రాయాన్ని కామెంట్ల రూపంలో తెలియ‌చేయండి.