వైయ‌స్ వివేకానంద‌రెడ్డి ఇంట్లో దొంగ‌త‌నం ఏం తీసుకువెళ్లారో తెలిస్తే షాక్

301

మాజీ మంత్రి వైఎస్ వివేకానందరెడ్డి హత్య కేసులో నిజా నిజాలను నిగ్గుతేల్చేందుకు సిట్ అధికారులు ముమ్మరంగా దర్యాప్తు చేస్తున్నారు. ఈ కేసును మరో రెండు మూడు రోజుల్లో అధికారులు కొలిక్కి తీసుకొచ్చే అవకాశం ఉన్నట్టు తెలుస్తోంది. వివేకా సన్నిహితులు ఎర్ర గంగిరెడ్డి, పీఏ కృష్ణారెడ్డి, పరమేశ్వరరెడ్డి, శేఖర్‌రెడ్డి, శివశంకరరెడ్డి, నాగప్ప, వాచ్‌మెన్‌ రంగన్న, వంటమనిషితో సహా మరి కొందర్ని అధికారులు అదుపులోకి తీసుకుని విచారిస్తున్నారు. రాజకీయ హత్యా? ఆర్థిక లావాదేవీల వ్యవహారమా? అన్న కోణంలో దర్యాప్తు సాగిస్తున్నారు. మరోవైపు, ఈ కేసు విచారణ సిట్ నుంచి వేరే సంస్థకు బదిలీ చేయాలని వివేకా కుమార్తె డాక్టర్ సునీత సీఈసీకి విన్నవించారు. ఈ నేపథ్యంలో సిట్‌ అధికారులు దర్యాప్తును మరింతం వేగవంతం చేశారు. ఇదిలా ఉండగా, వివేకా హత్య కేసులో రోజుకో కొత్త విషయం వెలుగు చూస్తోంది.

Image result for ys vivekananda reddy

ఈ హత్య జరగడానికి మూడు రోజుల ముందు ముగ్గురు యువకులు పులివెందులలో అనుమానాస్పదంగా తిరిగినట్టు సమాచారం. పులివెందుల బస్టాండు సమీపంలో వరుసగా మూడు రోజులు మద్యం కొనుగోలుచేసిన వీరు హత్య తర్వాత కనిపించకుండా పోయినట్టు ప్రచారం సాగుతోంది. బీహార్‌తోపాటు పక్క రాష్ట్రాల నుంచి కిరాయి హంతకులను రప్పించి వివేకాను హత్య చేయించి ఉంటారన్న అనుమానాలను వ్యక్తమవుతున్నాయి. హత్య చేసిన తర్వాత ఇంట్లో ఉన్న సుమారు రూ.1.20 కోట్ల నగదును కూడా ఎత్తుకెళ్లి ఉంటారని భావిస్తున్నారు. బెడ్‌రూమ్‌లో బీరువాపైనా రక్తపు మరకలను సిట్ గుర్తించినట్టు తెలుస్తోంది.

ఈ క్రింది వీడియో చూడండి

వివేకా వద్ద రివాల్వర్‌ ఉండి ఉంటే దుండగుల నుంచి తప్పించుకునే అవకాశం ఉండేదని అంటున్నారు. అయితే, తన రివాల్వర్‌ను పీఏ కృష్ణారెడ్డికి ఏడేళ్ల కిందటే వివేకా అమ్మేసినట్టు, దీనిని కొంతకాలం కిందటే అతడు పోలీసులకు అందజేసినట్టు తెలుస్తోంది.. వివేకానందరెడ్డి ఇంటిని అదనపు డీజీ రవిశంకర్‌ అయన్నార్‌ శనివారం పరిశీలించారు. హత్య కేసులో పులివెందులకు చెందిన బాబావలీతోపాటు మరో ముగ్గురు అనుమానితులను రహస్య ప్రదేశంలో వేర్వేరుగా సిట్ అధికారులు విచారించారు. వీరిలో ఒక మహిళ కూడా ఉన్నట్లు తెలుస్తోంది. మొత్తానికి ఈకేసుని ఎంతో ప్ర‌తిష్టాత్మ‌కంగా విచారిస్తున్న సిట్ క‌చ్చితంగా రెండు మూడు రోజుల్లో ఫైన‌ల్ గా ఓ రిపోర్టు ఇవ్వ‌నున్నారు అని పోలీసులు చెబుతున్నారు.