AP Next CM శ్రీరెడ్డి వారి సర్వే ఆయ‌నే సీఎం

316

రెండు నెల‌ల పాటు అంద‌రూ ఎన్నిక‌ల గురించే చ‌ర్చించుకున్నారు చివ‌ర‌కు ఏపీలో ఎన్నికలు ముగిసాయి.. త్రిముఖ పోరులో కాబోయే ముఖ్యమంత్రి ఎవరన్న దానిపై దేశ వ్యాప్తంగా ఆసక్తి నెలకొంది. అనుభవానికే ఓటర్ల పట్టం.. మళ్లీ సీఎం చంద్రబాబు నాయుడే అంటూ తెలుగు తమ్ముళ్లు అంటుంటే. మొన్నటి వరకూ ‘రావాలి జగన్.. కావాలి జగన్’ అంటూ పాటలు పాడిన జగన్ ఫ్యాన్స్.. ఫలితాలు వెల్లడి కాకుండానే.. ‘వచ్చాడు జగన్.. అయ్యాడు సీఎం’ అంటూ కొత్త పల్లవి అందుకున్నారు. ఇక జనసైనికులు మేం మాత్రం తక్కువా అంటూ ప్రశ్నించిన పవన్.. ప్రక్షాళనకు వచ్చేస్తున్నాడు అంటూ సోషల్ మీడియాను హీటెక్కిస్తున్నారు. ఇక కాయ్ రాజా కాయ్.. ఏపీలో ఎవరు సీఎం అంటూ కోట్ల రూపాయల పందెం జరుగుతుండగా.. వివాదాస్పద నటి శ్రీరెడ్డి సోషల్ మీడియాలో ఏపీకి కాబోయే ముఖ్యమంత్రి ఎవరో జోస్యం చెప్పింది.

తన అఫీషియల్ యూట్యూబ్ ఛానల్‌ ద్వారా మాట్లాడుతూ.. ‘ఆంధ్రప్రదేశ్ ఐదేళ్లుగా చాలా కష్టాలు పడుతుంది. రాష్ట్రం విడిపోయిన తరువాత అధికార పార్టీ పనితీరుతో కొంతమంది సంతృప్తిగా ఉంటే.. మరికొంత మంది అసంతృప్తిగా ఉన్నారు. అయితే ఈ ఎన్నికల్లో సీఎం ఎవరు అనేదానిపై చాలా ఉత్కంఠ ఉంది. నాకు ఉన్న అవగాహన ప్రకారం.. చంద్రబాబు గారు గతంలో ఆయన అనుభవంతో హైదరాబాద్‌ను బాగా డెవలప్ చేశారు. ఐటీ రంగంతో పాటు యూత్‌లో చంద్రబాబు వస్తే బాగుంటుంది అని ఉంది. అయితే బీజేపీ చేసిన కుయుక్తుల వల్ల ఆంధ్రప్రదేశ్ చాలా ఇబ్బందలు పడింది. ఈ పరిస్థితుల్లో బీజేపీ ఆంధ్రప్రదేశ్‌కు ఏం చేయలేదు కాబట్టి ఆప్రభావం టీడీపీపై పడింది. అలా అని చంద్రబాబుని తీసి పారేయలేం. ఆయన క్యాస్ట్ పరంగా చూసినా చాలా బలంగా ఉన్నారు. అయితే బీజేపీ సపోర్ట్ చేయకపోయినా చంద్రబాబు ఉన్నంతలో కష్టపడి రాజధాని కోసం పనిచేశారు.

Image result for sree reddy

అయితే ఈ సందర్భంలో రాష్ట్రానికి కొత్త నాయకుడు వస్తే.. మరింత ఉపయోగం ఉంటుందని చాలా మంది జగన్ వైపు మొగ్గు చూపుతున్నారు. చంద్రబాబు పాలనలో చాలా మంది విసిగిపోయిన వారు లేకపోలేదు. తెలుగుదేశం పార్టీలోని కొంతమంది ఎమ్మెల్యేలు చేసిన పొరపాట్లు జగన్‌కి కలిసి వస్తున్నాయి. ఆయన చేసిన పాదయాత్రతో చాలా మంది జనం జగన్‌కి దగ్గరయ్యారు.సినిమా ఇండస్ట్రీతో పాటు చాలా మంది సీనియర్ నాయకులు వైసీపీలో చేరడం కూడా పార్టీకి కలిసి వస్తున్నాయి. ఇవన్నీ బేరీజు వేసుకుంటే.. వైఎస్ఆర్సీపీ అధికారంలోకి రావడానికి 60 శాతం ఛాన్స్ ఉండగా.. టీడీపీకి 40 శాతం అవకాశాలు ఉన్నాయి. నా ఉద్దేశంలో ఈ రెండు పార్టీల్లో ఏది అధికారంలోకి వచ్చినా మంచిదే. అయితే ఏ పార్టీ అధికారంలోకి వచ్చినా.. ఆంధ్రప్రదేశ్ అభివృద్ధి కావాలని కోరుకుంటున్నా’ అంటూ ఏపీకి ముఖ్యమంత్రి అయ్యే అవకాశం జగన్‌కే ఎక్కవని చెప్పుకొచ్చింది శ్రీరెడ్డి. మ‌రి శ్రీరెడ్డి జోస్యం కూడా చెప్ప‌డంతో సోష‌ల్ మీడియాలో ఇప్పుడు ఇది ట్రెండింగ్ టాపిక్ అయింది.