సోనియాగాంధీ సంచలన నిర్ణయం మోదీ అమిత్ షాకు షాక్

366

రాహుల్ గాంధీ పట్టాభిషేకం కోసం కాంగ్రెస్ ఎంతో శ్రమ పడింది అలాగే కార్యక్రమం చేశారు కాని చేసిన కొన్ని రోజుల నుంచే పార్టీలో ప్రతీ ఎన్నికల్లో ఓటమి వచ్చింది పార్టీకి.. దీంతో కాంగ్రెస్ ఎలాంటి పరిస్దితికి చేరుతుందా అని డైలామాలో ఉన్నారు నేతలు అందరూ.. గత ఎన్నికల్లో ఓటమి పాలవ్వడంతో రాహుల్ కూడా ఆ పదవికి తాను అర్హుడిని కాదు అని తేల్చుకున్నారు.. ఈ సమయంలో కాంగ్రెస్‌ పార్టీ కొత్త సారథి ఎంపికపై నెలకొన్న ఉత్కంఠకు తెరవీడింది. సోనియా గాంధీకి పార్టీ పగ్గాలను అప్పగిస్తూ సీడబ్ల్యూసీ నిర్ణయం తీసుకుంది. గాంధీ కుటుంబేతర వ్యక్తికి పార్టీ పగ్గాలు అప్పగిస్తారనే ఊహాగానాలకు తెరదించుతూ సీడబ్ల్యూసీలో పార్టీ సీనియర్ నేతలు సంచలన నిర్ణయం తీసుకున్నారు. అయితే.. కాంగ్రెస్ అధ్యక్షురాలిగా సోనియా గాంధీ తాత్కాలికంగానే కొనసాగే అవకాశాలు ఉన్నట్లు నేతలు చెబుతున్నారు. త్వరలో మరోసారి సమావేశమై కొత్త అధ్యక్షుడిని ఎన్నుకోవాలని నిర్ణయించినట్లు విశ్వసనీయ వర్గాల సమాచారంగా తెలుస్తోంది.

Image result for sonia gandhi

సీడబ్ల్యూసీ సమావేశంలో కాంగ్రెస్ పార్టీ అధ్యక్షురాలిగా సోనియాగాంధీని ఎన్నుకున్నట్లు గులాంనబీ ఆజాద్ ప్రకటించారు. పార్టీ అధ్యక్ష బాధ్యతలకు రాహుల్ గాంధీ అంగీకరించకపోవడంతో సోనియాకు బాధ్యతలు అప్పగించినట్లు ఆయన తెలిపారు. రాహుల్ గాంధీ పార్టీ బాధ్యతలు చేపట్టడానికి ముందు సోనియా గాంధీ సుమారు 19 ఏళ్లు కాంగ్రెస్ సారథిగా కొనసాగి రికార్డు సృష్టించారు. క్లిష్ట పరిస్థితుల్లో ఆపద్భాందవుడి పాత్ర పోషించారు. 2017లో అనారోగ్యం తదితర కారణాలతో ఆ బాధ్యతలను తన కుమారుడు రాహుల్‌కు అప్పగించారు. అయితే.. ఇటీవల సార్వత్రిక ఎన్నికల్లో పార్టీ ఓటమికి బాధ్యత వహిస్తూ రాహుల్ గాంధీ పార్టీ అధ్యక్ష పదవికి రాజీనామా చేశారు.

Image result for amit shah

శనివారం (ఆగస్టు 10) సీడబ్ల్యూసీ సమావేశం సుదీర్ఘంగా 8 గంటలకు పైగా జరిగింది. ఢిల్లీలోని కాంగ్రెస్‌ కేంద్ర కార్యాలయంలో జరిగిన ఈ సమావేశంలో పార్టీ కొత్త సారథి అంశంపై తీవ్ర కసరత్తు చేశారు. రాహుల్ గాంధీ తన రాజీనామా వెనక్కి తీసుకోవాలని.. కాంగ్రెస్ అధ్యక్షుడిగా కొనసాగాలని నేతలంతా కోరారు. కానీ, పార్టీ పగ్గాలు చేపట్టడానికి ఆయన సుముఖత వ్యక్తం చేయలేదు. పార్టీ బాధ్యతలను మరో వ్యక్తికి అప్పగిస్తే చీలిపోయే ప్రమాదం ఉందని సమావేశంలో పలువురు నేతలు అభిప్రాయపడ్డట్లు తెలుస్తోంది. ఈ నేపథ్యంలో సోనియా గాంధీని ఆ బాధ్యతలు తీసుకోవాల్సిందిగా కోరారు. సుదీర్ఘ సంప్రదింపుల అనంతరం ఆమె ఓకే చెప్పడంతో నేతలంతా ఊపిరి పీల్చుకున్నారు.

Image result for sonia gandhi

తాను అనారోగ్యంతో బాధపడుతున్నానని.. అలాంటి పరిస్థితుల్లోనూ పార్టీ భవిష్యత్తు కోసమే బాధ్యతలు మోయడానికి అంగీకరించానని పార్టీ నేతలతో సోనియా గాంధీ అన్నట్లు తెలుస్తోంది. శనివారం ఉదయం జరిగిన సీడబ్ల్యూసీ సమావేశంలో రాహుల్‌ గాంధీ మళ్లీ ఏఐసీసీ అధ్యక్షుడిగా కొనసాగాలంటూ నేతలంతా ఏక వాక్య తీర్మానం ప్రవేశపెట్టారు. అయితే.. ఆయన అందుకు ససేమిరా అన్నారు. దీంతో కొత్త అధ్యక్షుడిని ఎంపిక చేసేందుకు 5 కమిటీలను ఏర్పాటు చేశారు. అన్ని రాష్ట్రాల నేతల అభిప్రాయాలు తీసుకొని ఐదు కమిటీలు నివేదికలను సిద్ధం చేశాయి. ఆ నివేదికల ఆధారంగా సీడబ్ల్యూసీలో కీలక చర్చ జరిగింది.

ఈ క్రింద వీడియో చూడండి

సీడబ్ల్యూసీ సమావేశం ప్రారంభమైన తర్వాత కాంగ్రెస్‌ అధ్యక్షుడి ఎంపికపై చర్చించాలని కమిటీ సభ్యులకు సూచించి.. సోనియా, రాహుల్‌ సమావేశం నుంచి బయటకు వచ్చారు. ఆ తర్వాత సీడబ్ల్యూసీలో జమ్ము-కశ్మీర్‌ అంశంపై చర్చకు రావాలని సీడబ్ల్యూసీ సభ్యులు కోరడంతో రాహుల్‌ మళ్లీ సమావేశానికి హాజరయ్యారు. ఈ సమావేశంలో మాజీ ప్రధాని మన్మోహన్‌ సింగ్‌, ప్రియాంకా గాంధీ, గులాం నబీ ఆజాద్‌, ఏకే ఆంటోనీ, చిదంబరం, అంబికా సోనీ తదితరులు పాల్గొన్నారు. సమావేశానికి రాహుల్ గాంధీ కూడా హాజరయ్యారు. అయితే.. కాస్త ముందుగానే ఆయన అక్కడ నుంచి వెళ్లిపోయారు. కాంగ్రెస్ కొత్త అధ్యక్షుడి ఎంపికతో పాటు సమావేశంలో పలు సమస్యలపై చర్చించినట్లు నేతలు తెలిపారు. జమ్ము-కశ్మీర్‌లో ఏం జరుగుతుందో ప్రధాని.. ప్రజలకు జవాబు చెప్పాలని రాహుల్‌ గాంధీ డిమాండ్‌ చేశారు. సీడబ్ల్యూసీ భేటీ సందర్భంగా ఆయన మీడియాతో మాట్లాడారు. ‘జమ్ము-కశ్మీర్‌ ప్రజలు చాలా ఆందోళనగా ఉన్నారు. జమ్ము కశ్మీర్‌పై కేంద్రం తీసుకునే ప్రతినిర్ణయం పాదర్శకంగా ఉండాలి. సీడబ్ల్యూసీలో ఈ అంశంపైనే ప్రధానంగా చర్చ జరిగింది అని రాహుల్‌ తెలిపారు. మొత్తానికి ఇప్పుడు సోనియాగాంధీ ఆ బాధ్యతలు తీసుకోవడంతో మళ్లీ కాంగ్రెస్ కు పునర్వైభవం వస్తుంది అని ఆనందంలో ఉన్నారు కాంగ్రెస్ నేతలు.