కోడెల ఆత్మహత్య కేసు.. గుంటూరుకు హైదరాబాద్ పోలీసులు

266

మాజీ స్పీకర్, టీడీపీ సీనియర్ నేత కోడెల శివప్రసాదరావు ఆత్మహత్య టీడీపీలో విషాదం నింపింది, అయితే ఆయ‌న ఆత్మ‌హ‌త్య చేసుకోవ‌డానికి కార‌ణం వైసీపీ అని పెద్ద ఎత్తున విమ‌ర్శ‌లు ఆరోప‌ణ‌లు టీడీపీ చేసింది. దీనిపై తెలంగాణ పోలీసులు కేసు న‌మోదుచేసుకుని విచార‌ణ చేస్తున్నారు.ఈ ఆత్మహత్య కేసు దర్యాప్తును వేగవంతం చేశారు హైదరాబాద్ బంజారాహిల్స్ పోలీసులు.. ఈ కేసులో కీలకమైన కోడెల కుమారుడు, కుమార్తెల్ని ప్రశ్నించేందుకు సిద్ధమవుతున్నారు. గతంలోనే విచారణకు రావాలని ఇద్దరికి నోటీసులు పంపించారు. కానీ వారిద్దరి నుంచి ఎలాంటి స్పందన లేకపోవడంతో.. బంజారాహిల్స్ పోలీసులు రూటు మార్చారు.

Image result for కోడెల

కోడెల కుమారుడు, కుమార్తెను ప్రశ్నించేందుకు బంజారాహిల్స్ పోలీసులు గుంటూరు వెళ్లేందుకు సిద్ధమయ్యారు. అక్కడే వారిద్దరిని ప్రశ్నించనున్నారు. శివప్రసాదరావు మరణానికి కారణాలు.. కాల్ డేటాతో పాటూ మిగిలిన అంశాలపై వారి నుంచి సమాచారం సేకరించనున్నారు. ఈ మేరకు రెండు మూడు రోజుల్లోనే పోలీసులు గుంటూరు వెళ్లనున్నట్లు తెలుస్తోంది.

ఈ క్రింద వీడియో చూడండి

కోడెల కుమారుడు హైదరాబాద్ పోలీసుల ముందు హాజరుకాకపోవడానికి చాలా కారణాలే ఉన్నాయట. అసెంబ్లీ ఫర్నీచర్, అక్రమ వసూళ్ల సహా పలు కేసుల్లో శివరాం ఆరోపణలు ఎదుర్కొంటున్నారు. కొద్ది రోజుల క్రితమే కోర్టు షరతులతో కూడిన బెయిల్ మంజూరు చేసింది. షరతుల్లో భాగంగా రోజూ శివరాం పోలీస్ స్టేషన్‌లో సంతకాలు చేయాల్సి ఉంటుంది.. కాబట్టి ఆ ఇబ్బందులతోనే విచారణకు వెళ్లలేకపోయారని బంధువులు చెబుతున్నారు. అందుకే గుంటూరు నేరుగా తెలంగాణ పోలీసులు రానున్నార‌ట‌, అక్క‌డ విచార‌ణ పూర్తి చేసుకుంటారు అని తెలుస్తోంది. అయితే బ‌ల‌మైన ఆరోప‌ణ‌లు ఉన్న నేప‌థ్యంలో ష‌ర‌తులు విధించి కోర్టు బెయిల్ మంజూరు చేసింది, ఇదే ప్రధాన కార‌ణం అని తెలుస్తోంది… అయితే కోడెల ఆత్మ‌హ‌త్య వెనుక కార‌ణాలు అసలు ఆయ‌న చ‌నిపోయిన త‌ర్వాత ఫోన్ క‌నిపించ‌క‌పోవ‌డం ఇవ‌న్నీ కూడా ప‌లు అనుమానాల‌కు తావిస్తున్నాయి, వీటిపై కూడా పోలీసులు విచార‌ణ చేయ‌నున్నారు.