త‌మిళ‌నాడులో హైఅల‌ర్ట్ కరుణానిధి ఆరోగ్యం మ‌రింత విషమం

504

తమిళనాడు మాజీ ముఖ్యమంత్రి, డీఎంకే అధినేత కరుణానిధి ఆరోగ్యం విషమించింది. కావేరి ఆస్పత్రిలో చికిత్స పొందుతున్న కరుణ ఆరోగ్యం మరింత క్షీణించినట్లు తాజాగా వైద్యులు తెలియ‌చేశారు… ప్రస్తుతం క్రిటికల్ కేర్‌లో ఉన్న కరుణానిధిని అబ్జర్వేషన్‌లో పెట్టినట్లు తాజా బులిటెన్‌లో వైద్యులు తెలియ‌చేశారు… ఆయ‌న వయసు ఎక్కువ ఉండ‌టం అలాగే శ‌రీరంలో సమస్యల దృష్ట్యా కరుణానిధి కీలక అవయవాలను సాధారణ స్థితికి తీసుకురావడం ఇబ్బందిగా మారుతోందని డాక్టర్లు వెల్లడించారు. రానున్న 24 గంటల్లో చికిత్సకు స్పందించిన తీరును బట్టి తదుపరి చికిత్స అందించనున్నట్లు తెలిపారు.

Image result for కరుణానిధి hospital

అనారోగ్యంతో బాధపడుతున్న కరుణానిధి చెన్నైలోని కావేరీ ఆస్పత్రిలో చికిత్స పొందుతున్న విషయం తెలిసిందే. జులై 28న ఆయన ఆరోగ్యం విషమించడంతో కావేరీ ఆస్పత్రికి తరలించి చికిత్స అందిస్తున్నారు. కరుణానిధి ఆరోగ్యంపై బెంగతో ఆయన అస్వస్థతకు గురైన నాటి నుంచి నేటి వరకు మొత్తం 25 మందికి పైగా అభిమానులు ప్రాణాలు విడిచినట్లు ఆయన కుమారుడు, డీఎంకే వర్కింగ్ ప్రెసిడెంట్ స్టాలిన్ తెలియ‌చేశారు.

Image result for కరుణానిధి hospital

మూత్ర పిండాలకు సంబంధించిన ఇన్ఫెక్షన్, రక్తపోటు పడిపోవడంతో కరుణానిధి అస్వస్థతకు గురయ్యారు. అప్పటి నుంచి ఆయణ్ని కావేరీ ఆస్పత్రి వైద్యులు ఐసీయూలో ఉంచి చికిత్స అందిస్తున్నారు. రాష్ట్రపతి రామ్‌నాథ్ కోవింద్, ఉప రాష్ట్రపతి వెంకయ్యనాయుడు కావేరీ ఆస్పత్రికి వచ్చి కరుణానిధిని పరామర్శించారు. కాంగ్రెస్ అధ్యక్షుడు రాహుల్ గాంధీ, ఏపీ ముఖ్యమంత్రి చంద్రబాబునాయుడు, రజనీకాంత్, విజయ్ తదితర రాజకీయ, సినీ ప్రముఖులు కరుణానిధిని పరామర్శించారు.

ఈ క్రింద వీడియో మీరు చూడండి

తమ ప్రియతమ నేత ఆస్పత్రి పాలయ్యారని తెలిసి నాటి నుంచి డీఎంకే కార్యకర్తలు, కరుణానిధి అభిమానులు తీవ్రంగా ఆందోళన చెందుతున్నారు. కావేరీ ఆస్పత్రికి పెద్ద ఎత్తున చేరుకుంటున్నారు. కరుణానిధి త్వరగా కోలుకోవాలని ప్రార్థిస్తున్నారు. పలు ఆలయాల్లో ప్రత్యేక పూజలు చేస్తున్నారు. కావేరీ ఆస్పత్రి ఎదుట 108 కొబ్బరికాయలు కొట్టి ప్రార్థించారు. ఇక త‌మిళ‌నాడులో ఎటువంటి పుకారు వార్త‌లు వ్యాపించ‌కుండా పోలీసులు త‌గు చ‌ర్య‌లు తీసుకుంటున్నారు. సోష‌ల్ మీడియాలో దీనికి సంబంధించి ఎటువంటి పోస్టులు వ‌చ్చినా వారిపై చ‌ర్య‌లు తీసుకుంటాము అని తెలియ‌చేశారు చెన్నై పోలీసులు. క‌రుణ ఆరోగ్యం పై మీ స్పంద‌న‌ను కామెంట్ల రూపంలో తెలియ‌చేయండి.