మంగ‌ళ‌గిరి హిందూపురంలో స‌ర్వేలు ఎలా వ‌చ్చాయో తెలిసి షాకైన చంద్ర‌బాబు బాల‌య్య

88

సార్వత్రిక ఎన్నికలకు ఆదివారం (మే 19) పోలింగ్ ప్రక్రియ ముగియడంతో పలు సంస్థలు ఎగ్జిట్ పోల్స్ ఫలితాలను వెల్లడించాయి. ఏపీలో మెజార్టీ సర్వేలు వైసీపీ అధికారంలోకి వస్తుందని చెబితే, కొన్ని మాత్రం టీడీపీకి మెజార్టీ స్థానాలు వస్తాయని తెలిపాయి. ఎగ్జిట్ పోల్స్ విడుదలతో అధికార, ప్రతిపక్ష పార్టీలకు చెందిన నేతలు గెలుపుపై మరింత ఆశలు పెంచుకున్నారు. ఇక, ఆంధ్రప్రదేశ్ ఎన్నికల సమయంలో కొన్ని నియోజకవర్గాలు హాట్ టాపిక్‌గా నిలిచాయి. వీటిలోని ముఖ్యంగా మంత్రి నారా లోకేశ్ పోటీచేసిన గుంటూరు జిల్లా మంగళగిరి నియోజకవర్గంపై చర్చోపచర్చలు సాగాయి. చంద్రబాబు తనయుడు లోకేశ్ ప్రత్యక్ష ఎన్నికల్లో తొలిసారి పోటీచేయడం, రాజధాని పరిధిలోని మంగళగిరిని ఎంచుకోవడంతో దీనికి ప్రాధాన్యత ఏర్పడింది.

ఈ క్రింది వీడియో చూడండి

వైసీపీకి సిట్టింగ్ స్థానం కావడంతో ఇక్కడ ఎన్నిక హోరాహోరీగా సాగింది. ప్రచారం చివరి రోజున వైసీపీ అధినేత జగన్ ఇక్కడ ప్రచారం నిర్వహించి, తమ అభ్యర్థి ఆళ్ల రామకృష్ణారెడ్డిని గెలిపిస్తే మంత్రిని చేస్తానని హామీ ఇచ్చారు. ఇరు పార్టీలూ ఇక్కడ బలంగా ప్రచారం నిర్వహించారు. ఈ నేపథ్యంలో మంగళగిరిలో లోకేశ్ ఓటమి ఖాయమని కొందరు ఢంకా బజాయించారు. లోకేశ్ గెలుపై బెట్టింగ్‌లు కూడా జోరుగా సాగుతున్నాయి. అయితే, తాజాగా ప్రకటించిన ఎగ్జిట్ పోల్స్ మంగళగిరిలో నారా లోకేశ్ గెలుపు ఖాయమని తేల్చి చెప్పేశాయట. ఇక, ఆంధ్రా ఆక్టోపస్ లగడపాటి సర్వేలోనూ లోకేశ్ గెలుస్తున్నారని చెప్పారట. మరికొన్ని సర్వేలు కూడా మంగళగిరిలో టీడీపీ గెలుపు పక్కా అంటున్నాయట.

Image result for nara lokesh

కాగా, హిందూపురంలోనూ టీడీపీ గాలి వీచిందని లగడపాటి చెప్పినట్టు తెలుస్తోంది. ఇక్కడ నుంచి సిట్టింగ్ ఎమ్మెల్యే, నటుడు బాలకృష్ణ మరోసారి తన అదృష్టాన్ని పరీక్షించుకుంటున్నారు. వాస్తవానికి హిందూపురం తొలి నుంచి టీడీపీకి కంచుకోట. ఆ పార్టీ ఏర్పాటైన దగ్గర నుంచి ఇక్కడ టీడీపీ అభ్యర్థులే విజయం సాధిస్తూ వస్తున్నారు. గతంలో ఎన్టీఆర్ ఇక్కడ నుంచి ప్రాతినిథ్యం వహించారు. మూడుసార్లు ఎన్టీఆర్, ఒకసారి నందమూరి హరికృష్ణ ఎమ్మెల్యేగా విజయం సాధించారు. ఇక, గత ఎన్నికల్లో బాలయ్య తొలిసారి పోటీచేసి విజయం సాధించారు. హిందూపురం నియోజకవర్గంలో బీసీ, మైనారిటీ ఓటర్లే కీలకం. ఆయా పార్టీల అభ్యర్థుల గెలుపొటములను వీరే నిర్ణయిస్తారు.

Related image

దశాబ్దాలుగా టీడీపీకి కంచుకోటగా ఉన్న హిందూపురం సొంతం చేసుకోడానికి మైనార్టీ వర్గానికి చెందిన మాజీ పోలీసు అధికారి ఇక్బాల్‌ను వైసీపీ బరిలోకి దింపింది. ఈసారి ఎ‌న్నికల్లో టీడీపీ, వైసీపీలు ముమ్మరంగా ప్రచారం చేశాయి. ఇక, బాలయ్యతో పాటు ఆయన సతీమణి వసుంధర కూడా ఇంటింటికి తిరిగి ప్రచారం చేశారు. దీంతో బాలయ్యే గెలుస్తారని టీడీపీ శ్రేణులు, ఆయన అభిమానులు ధీమా వ్యక్తం చేస్తున్న వేళ ఎగ్జిట్ పోల్స్ కూడా అనుకూలంగా వచ్చినట్టు తెలుస్తోంది. లోకేశ్, బాలయ్య ఇద్దరూ గెలుస్తారని ఎగ్జిట్ పోల్స్ చెప్పడంతో టీడీపీ నేతలు ఆనందంతో ఉబ్బితబ్బిబ్బవుతున్నారు.