రైతులకు మరో గుడ్ న్యూస్ చెప్పిన సీఎం జగన్

185

ఏపీ ముఖ్యమంత్రి వైయస్ జగన్మోహన్ రెడ్డి పలు సంక్షేమ పథకాలతో ప్రజలకు బాగా దగ్గర అవుతున్నారు, ఈ సమయంలో ఇటీవల రైతు భరోసా కూడా కల్పించారు రైతులకి…. తాజాగా రైతులకు జగన్ సర్కార్ శుభవార్త చెప్పింది. వైఎస్సార్‌ రైతు భరోసా పథకానికి సంబంధించి సమస్యల పరిష్కారం కోసం ఈ నెల 9న ప్రత్యేకంగా స్పందన కార్యక్రమం నిర్వహిస్తోంది. 9న మండల, డివిజన్, జిల్లా కేంద్రాల్లో స్పందనను నిర్వహించాలని సీఎం జగన్ కలెక్టర్లను ఆదేశించారు. వాస్తవానికి 9న రెండో శనివారం సెలవు రోజున అన్నదాతల ప్రయోజనాలను దృష్టిలో పెట్టుకుని రైతు భరోసాకి సంబంధించిన సందేహాలను నివృత్తి చేయనున్నారు. జగన్ సర్కార్ అర్హులైన ప్రతి ఒక్కరికీ పథకం అందించాలని భావిస్తోంది.. ఎవరూ లబ్ధి చేకూరలేదనే విమర్శలు రాకుండా చూడాలని సీఎం భావిస్తున్నారు. రైతులు, కౌలు రైతుల సమస్యలను తెలుసుకుని వెంటనే పరిష్కరించాలన్నారు.

Image result for jagan

రాష్ట్రవ్యాప్తంగా అర్హులైనా కొంతమంది రైతులకు రైతు భరోసా పథకం వర్తించలేదు. అలాంటి సమస్యలు ఎందుకొస్తున్నాయని సీఎం ఆరా తీశారు. ఆధార్‌ కాపీలు, వెబ్‌ల్యాండ్‌లో నంబర్లు సరిగా లేకపోవడం, పట్టాదారు పాస్‌ పుస్తకంలో ఉన్న బ్యాంకు ఖాతాలు ఆధార్‌ సీడింగ్‌ కాకపోవడం వంటి కారణాలు ఉన్నాయని అధికారులు చెబుతున్నారు. అర్హులైన ఏ ఒక్క రైతు, కౌలు రైతుకు రైతు భరోసా పథకం అందలేదన్న విమర్శ రాకూడదన్నారు. సమస్యల్ని పరిష్కరిస్తే మరో 5 లక్షల మంది భూ యజమానులైన రైతులకు రైతు భరోసా పథకం వర్తిస్తుందని అంచనా వేస్తున్నారు అధికారులు.

ఈ క్రింద వీడియో చూడండి

ఇప్పటివరకు 40లక్షల84వేల738 మంది రైతులు, కౌలు రైతులకు రూ.3,256.41 కోట్లను ఖాతాల్లో జమ చేశారు. నవంబర్ 15లోగా దేవదాయ, ఈనాం, అటవీ భూములు, సర్వే చేయని భూములను సాగు చేసుకుంటున్న కౌలు రైతులు, గిరిజనులకు కూడా రైతు భరోసా కింద పెట్టుబడి సాయం అందించేలా చర్యలు తీసుకుంటున్నారు. చనిపోయిన రైతుల కుటుంబాలకు కూడా సాయం అందించనున్నారు. రాష్ట్రవ్యాప్తంగా గ్రామాల వారీగా రైతు భరోసా లబ్దిదారులు, తిరస్కరించిన వారి జాబితాను పంచాయతీ కార్యాలయాల్లో ఉంచి.. అభ్యంతరాలను స్వీకరిస్తున్నారు. అలాగే కౌలు రైతులకు పెట్టుబడి సాయం అందించే గడువును డిసెంబర్‌ 15 వరకు పెంచాలని సీఎం జగన్‌ ఆదేశించారు. సాధారణ రైతులకు నవంబర్‌ 15లోగా రైతు భరోసా సాయాన్ని అందించాలన్నారు. రైతుల సందేహాలను తీర్చేందుకు ప్రత్యేకంగా హెల్ప్‌లైన్‌ ఏర్పాటు చేయాలని సూచించారు. తాజాగా జగన్ సర్కారు తీసుకున్న నిర్ణయంతో రైతులు హర్షం వ్యక్తం చేస్తున్నారు.

ఈ క్రింద వీడియో చూడండి