సచివాలయ’ పరీక్షలకు వెళ్లేవారు ఈ ఈ సూచనలు పాటించాల్సిందే

61

ఏపీలో నిరుద్యోగులు ఎంతోకాలంగా నోటిఫికేషన్స్ కోసం చూస్తున్నారు.. తాజాగా జగన్ అధికారంలోకి వచ్చిన తర్వాత లక్షలాది ఉద్యోగాలు భర్తి చేస్తున్నారు, గ్రామ వలంటీర్ల నియామకం పూర్తి అయి వారు ఉద్యోగాలు కూడా చేస్తున్నారు తాజాగా ఆంధ్రప్రదేశ్‌లో కొత్తగా ఏర్పాటుకానున్న గ్రామ, వార్డు సచివాలయాల్లో పోస్టుల భర్తీకి సెప్టెంబ‌రు 1 నుంచి 8 వరకు నియామక పరీక్షలు నిర్వహించనుంది ప్రభుత్వం. సెప్టెంబరు 1 నుంచి 8 వరకు రెండు పూటలా రాతపరీక్షలు నిర్వహించనున్నారు. సెప్టెంబర్‌ 1న జరిగే రాతపరీక్షకు 13 జిల్లాల పరిధిలో 4,478 పరీక్షా కేంద్రాలను ఏర్పాటు చేయగా.. సెప్టెంబరు 3 నుంచి 8 వరకు జరిగే మిగతా ఉద్యోగాల రాతపరీక్షకు మాత్రం 7 జిల్లాల పరిధిలో 536 పరీక్షా కేంద్రాలను అధికారులు ఏర్పాటు చేశారు. ఆయా తేదీల్లో ఉదయం 10 గంటల నుంచి 12.30 గంటల వరకు మొదటి సెషన్‌లో, మధ్యాహ్నం 2.30 గంటల నుంచి సాయంత్రం 5 గంటల వరకు రెండో సెషన్‌లో పరీక్షలు నిర్వహించనున్నారు.

Image result for పరీక్షల

మరి పరీక్షరాసే అభ్యర్థులు తప్పక పాటించాల్సిన సూచనలు ఏమిటి అనేది తెలుసుకుందాం.

పరీక్షకు హాజరయ్యే అభ్యర్థులు హాల్‌టికెట్‌ను తప్పనిసరిగా వెంట తీసుకెళ్లాలి. హాల్‌టికెట్‌తో పాటు ప్రభుత్వ గుర్తింపు పొందిన ఏదైనా ఫొటో గుర్తింపుకార్డును వెంట తీసుకెళ్లాలి. పాస్‌పోర్ట్, పాన్ కార్డు, ఓటర్ ఐడీ, ఆధార్ కార్డు, గవర్నమెంట్ ఎంప్లాయ్ ఐడీ, డ్రైవింగ్ లైసెన్స్ వంటివి తీసుకెళ్లాల్సి ఉంటుంది. హాల్‌టికెట్‌లో ఫొటో సరిగాలేని వారు, సంతకం లేకుండా పరీక్షకు 3 పాస్‌పోర్ట్ సైజు ఫోటోలను తీసుకెళ్లాలి. గెజిటెడ్ ఆఫీసర్ ద్వారా అటెస్టేషన్ చేయించాలి. పరీక్షకు అరగంట ముందు అంటే ఉదయం 9.30 గంటల నుంచి, మధ్యా్హ్నం 2 గంటల నుంచి పరీక్ష కేంద్రంలోకి అభ్యర్థులను అనుమతిస్తారు. పరీక్ష ప్రారంభమయ్యాక ఒక్క నిమిషం ఆలస్యమైన లోపలికి అనుమతించరు. చివరి నిమిషంలో హడావిడి ఉండకూడదంటే.. పరీక్ష సమయానికి గంట ముందుగా పరీక్ష కేంద్రానికి చేరుకోవడం ఉత్తమం.

Related image

పరీక్ష కేంద్రం తెలియని వారు ఒకరోజు ముందుగానే పరీక్ష కేంద్రానికి వెళ్లి రావడం ఉత్తమం. దీనివల్ల పరీక్షరోజు నేరుగా పరీక్ష కేంద్రానికి చేరుకునే వీలుంటుంది. పరీక్షకు హాజరయ్యేవారు మొబైల్ ఫోన్లు/ సెల్‌ఫోన్లు, క్యాలుకేటర్లు, టాబ్లెట్లు, ఐప్యాడ్, బ్లూటూట్ డివైజ్, పేజర్లు తీసుకెళ్లడానికి అనుమతి లేదు. అలాగే రైటింగ్ ప్యాడ్, హ్యాండ్ బ్యాగులు కూడా అనుమతించరు. ఒక వేళ తీసుకెళితే పరీక్ష రాయడానికి అనర్హులు. అభ్యర్థులు వెంట తెచ్చుకున్న వస్తువులను భద్రపరచడానికి ఎలాంట ఏర్పాట్లు ఉండవు. కాబట్టి ఎలాంటి వస్తువులను వెంట తీసుకెళ్లకపోవడం ఉత్తమం. అభ్యర్థుల ధ్రువీకరణ తర్వాతే పరీక్ష రాయడానికి అనుమతిస్తారు. పరీక్షకు వెళ్లేవారు బ్లాక్/ బ్లూ బాల్ పాయింట్ పెన్నులు మాత్రమే తీసుకెళ్లాల్సి ఉంటుంది.

ఈ క్రింద వీడియో చూడండి

పరీక్ష రాసేముందు ప్రశ్నపత్రం బుక్‌లెట్‌లో ఇచ్చిన సూచనలను జాగ్రత్తగా చదవాలి.

A, B, C, D సిరీస్‌లో జంబ్లింగ్‌ విధానంలో అభ్యర్థులకు ప్రతి ప్రశ్నపత్రం ఇవ్వనున్నారు. దీనివల్ల చూచిరాతలకు ఆస్కారం ఉండదు. సిరీస్ ప్రకారం లేని ఆన్సర్ షీట్లను పరిగణించరు. పక్కపక్కనే లేదా ముందు-వెనుక ఒకే సిరీస్ ప్రశ్నపత్రం వస్తే వెంటనే ఇన్విజిలేటర్‌ను సంప్రదించాలి. అభ్యర్థి నామినల్ రోల్స్ కమ్ అటెండెన్స్ షీట్‌లో నిర్దేశిత ప్రదేశంలో సంతకం చేయాల్సి ఉంటుంది. అలాగే ఆన్సర్ షీట్‌పై ఇన్విలేటర్ సంతకం తప్పనిసరిగా ఉండేలా చూసుకోవాలి. OMR షీట్లకు సంబంధించి.. ఓఎంఆర్‌ షీట్‌ కింద డూప్లికేట్‌ షీట్‌ కూడా ఉంటుంది. ఒరిజినల్‌ కాపీని ఇన్విజిలేటర్‌కు ఇచ్చి.. డూప్లికేట్‌ కాపీని అభ్యర్థులు తీసుకెళ్లాలి.

Related image

ప్రశ్నపత్రంలోని ఆప్షన్లపై జవాబులు గుర్తించకూడదు.

OMR షీట్‌లోని గళ్లను బ్లూ/బ్లాక్ పాయింట్ ద్వారా మాత్రమే బబ్లింగ్ చేయాలి. పెన్సిల్, ఇంక్ పెన్నులు, జెల్ పెన్నులు వాడకూడదు. ఒకసారి బబ్లింగ్ చేశాకా వైట్నర్ లేదా మార్కర్లను ఉపయోగించకూడదు. అలా రాసిన జవాబులను పరిగణనలోకి తీసుకోరు. పరీక్ష ముగిసిన తర్వాత మెయిన్ ఆన్సర్ షీట్‌ను వెంట తీసుకెళ్లకూడదు. అలా తీసుకెళ్లేవారిపై చట్టపరమైన చర్యలు తీసుకుంటారు. పరీక్ష హాలులో ఇతరులతో మాట్లాడటం, అనవసర చర్చలు చేయకూడదు. అది ఇతరులకు కూడా ఇబ్బందికరంగా ఉంటుంది. అనైతికంగా, అసభ్యంగా, క్రమశిక్షణ రాహిత్యంగా ప్రపర్తించిన వారిపై సెంటర్ సూపరింటెండెంట్, సెంట్రల్ స్పెషల్ ఆఫీసర్, హాల్ సూపరింటెండెంట్, ఇన్విజిలేటర్లకు చర్యలు తీసుకునే అధికారాలు ఉన్నాయి. సంబంధిత పరిధిలోని పోలీసులు వారిపై FIR నమోదు చేస్తారు.

Related image

అవసరమైతేనే టాయిలెట్‌కు వెళ్లాలి. మాటిమాటికి వెళ్లడం నిషిద్ధం. టాయిలెట్ పరిసర ప్రాంతాల్లో ఎవరైనా చర్చలు జరుపుతున్నా, మాల్ ప్రాక్టీస్‌కు పాల్పడిన వారిని అనర్హులుగా గుర్తిస్తారు. ఆబ్జెక్టివ్ విధానంలోనే ప్రశ్నలు అడుగుతారు. మొత్తం 150 మార్కులకు గాను 150 ప్రశ్నలు అడుగుతారు. ఒక్కో ప్రశ్నకు ఒకమార్కు. పరీక్ష సమయం 150 నిమిషాలు. తెలుగు, ఇంగ్లిష్ మాధ్యమాల్లో పరీక్ష నిర్వహిస్తారు. ఇంగ్లిష్ వెర్షన్ ప్రామాణికంగానే ప్రశ్నపత్రాన్ని మూల్యాంకనం చేస్తారు. పరీక్షలో నెగెటివ్ మార్కులు కూడా ఉంటాయి కాబట్టి.. సరిగ్గా తెలిసిన వాటికే సమాధానాలు గుర్తించడం ఉత్తమం. ప్రతి తప్పు సమాధానానికి 1/4 (0.25) వంతున మార్కులు కోత విధిస్తారు. ప్రతి నాలుగు తప్పు సమాధానాలకు ఒక మార్కు కోత ఉంటుందన్నమాట.

Related image

ఒకసారి పరీక్ష కేంద్రంలోకి వెళితే ఎట్టిపరిస్థితుల్లోనూ.. పరీక్ష పూర్తయ్యేవరకు బయటకు పంపరు. పరీక్ష కేంద్రాల్లో సీసీ కెమెరాలతో పాటు వీడియో తీయించి జిల్లా కేంద్రాల్లోని కమాండ్‌ సెంటర్లలో అధికారులు పర్యవేక్షిస్తారు. పరీక్షల కోసం రాష్ట్రవ్యాప్తంగా పరీక్ష కేంద్రాలను ఏర్పాటు చేయనున్నారు. ప్రతి పరీక్ష కేంద్రంలో ప్రధాన పర్యవేక్షకుడు, స్పెషల్ ఆఫీసర్, ఇన్విజిలేటర్లు ఉంటారు. ప్రతి మూడు లేదా నాలుగు పరీక్ష కేంద్రాలకు ఒక పర్యవేక్షకుడు ఉంటాడు. ఐదు నుంచి ఆరు పరీక్ష కేంద్రాలకో రూట్‌ ఆఫీసర్ ఉంటారు. అదే విధంగా ఒకటి లేదా రెండు మండలాలకు జిల్లా ప్రత్యేక అధికారి ఫ్లయింగ్‌ స్క్వేడ్‌‌గా విధులు నిర్వహిస్తాడు. దివ్యాంగులకు (కళ్లు, చేతులు సహకరించనివారు) పరీక్షలు రాసేందుకు వీలుగా సహాయకుణ్ని అనుమతిస్తారు. సో అభ్యర్దులు అందరూ ఈ జాగ్రత్తలు సూచనలు పాటించండి, అందరికి ఆల్ ది బెస్ట్.