రాజకీయ ప్రయోజనాల కోసమే టిడిపి వైసిపి ప్రత్యేక హోదా గళం..జివిఎల్

504

ఆంద్ర ప్రదేశ్ రాష్ట్రం విడిపోయాక ప్రత్యెక హోదా అంశంపై గత నాలుగేళ్ళుగా పోరాటం సాగుతూనే ఉంది..తాజా ఈ రోజు ప్రత్యెక హోదా నినాదంతో వైసిపి బ్యాండ్ చేస్తున్న విషయం విదితమే..ఏపి ముఖ్యమంత్రి చంద్రబాబు నాయుడు మొన్న పార్లమెంట్ లో ప్రత్యెక హోదా గురించి అవిశ్వాస తీర్మానం కూడా ప్రవేసపెట్టిన విషయం తెలిసిందే..అయితే ప్రత్యెక హోదాపై రాష్ట్ర ప్రజలను అధికార ప్రతిపక్ష పార్టీలు తప్పుదోవ పట్టిస్తున్నాయని బిజెపి రాజ్యసభ సభ్యుడు జివిఎల్ నరసింహా రావు వ్యాఖ్యానించారు…

ఆంధ్రప్రదేశ్ విభజన చట్టం అమలుపై రాజ్యసభలో జరిగిన స్వల్పకాలిక చర్చలో భాగంగా జీవీఎల్ మాట్లాడారు. విభజన చట్టంలో ఏముంది? అసలు ప్రత్యేక హోదా పేరిట నవ్యాంధ్రకు కేంద్ర ప్రభుత్వం చేయాల్సినదేమిటి? ఏపీ ప్రభుత్వం ఎంత సాయం అందింది? వంటి విషయాలను జీవీఎల్ వివరించారు. ప్రత్యేక హోదా అంటే.. రాష్ట్రాన్ని అత్యుత్తుమ స్థాయిలో నిలపడానికి కేంద్ర ప్రభుత్వం ఆర్థిక సాయం అందించడమని చెప్పారు. అంతేకానీ రాష్ట్ర ప్రజలందరికీ 100 శాతం పన్ను రాయితీ ఇవ్వడం కాదన్నారు. కానీ, ఏపీలో పార్టీలు ప్రజలను తప్పుదోవ పట్టిస్తున్నాయని మండిపడ్డారు.

విభజన చట్టంలో పేర్కొన్న విధంగా ఆర్థిక సహకారాన్ని కేంద్ర ప్రభుత్వం ప్రత్యేక ప్యాకేజీ పేరిట ఆంధ్రప్రదేశ్‌కు అందిస్తోందని జీవీఎల్ వెల్లడించారు. దీనికి సంబంధించి 2017 మార్చి 15న క్యాబినెట్ విడుదల చేసిన నోట్‌ను జీవీఎల్ చదివి వినిపించారు. ‘ఆంధప్రదేశ్ ప్రభుత్వానికి కేంద్ర ప్రభుత్వం నుంచి ప్రత్యేక ఆర్థిక సహాయం అందుతుంది. దీనిలో భాగంగా ఐదేళ్లపాటు కేంద్ర నుంచి ఏపీకి అదనంగా నిధులు అందుతాయి. అంటే ఏపీలో కేంద్ర ప్రభుత్వం చేపట్టే పథకాలకు 90:10 నిష్పత్తిలో నిధులు మంజూరు చేస్తారు’ అని నోట్‌లో వివరాలను జీవీఎల్ చదివి వినిపించారు. దీనికి ఏపీ ముఖ్యమంత్రి చంద్రబాబునాయుడు కూడా సానుకూలంగా స్పందించారని చెప్పారు. అసెంబ్లీలో ధన్యవాద తీర్మానం కూడా ప్రవేశపెట్టారని గుర్తుచేశారు. మార్చి 16న శాసన మండలిలో చంద్రబాబు చేసిన ప్రకటనను కూడా జీవీఎల్ తెలుగులో చదివి వినిపించారు.

‘ప్రత్యేక హోదాలో ఉండే ప్రతి ఒక్కటి తూచా తప్పకుండా కేంద్ర ప్రభుత్వం వారు ప్రత్యేక ప్యాకేజీలో ఇస్తామన్నారు. ఇలాంటి ప్రత్యేక పరిస్థితుల్లో మన రాష్ట్రానికి ప్రత్యేక సహాయం ద్వారా ప్రత్యేక హోదాలో వచ్చే ప్రయోజనాలు అన్నీ ఇస్తున్నారు’ అని చంద్రబాబు శాసనమండలిలో పేర్కొన్నట్లు జీవీఎల్ వెల్లడించారు. ఈ ప్యాకేజీ నిర్మాణంలో సుజనా చౌదరి ఆర్కిటెక్చర్‌గా వ్యవహరించారని చురకలు అంటించారు. టీడీపీ నిర్వహించిన మహానాడులో కూడా చంద్రబాబు ఇదే విషయాన్ని చెప్పారని గుర్తుచేశారు. అలాంటిది ఇప్పుడు వీరి మాటలు చూస్తుంటే కొత్త పార్టీ ఏమైనా మాట్లాడుతోందా అనిపిస్తోందని జీవీఎల్ ఎద్దేవా చేశారు.

‘హోదా ఉన్న రాష్ట్రాలకు హోదాలేని రాష్ట్రాలకు తేడా లేదని, హోదా వల్ల ఏడాదికి రూ.3,500 కోట్ల లబ్ధి మాత్రమే జరుగుతుందని స్వయంగా ముఖ్యమంత్రి చంద్రబాబు నాయుడు చెప్పారు. హోదా అంటే ఆర్థిక సహాయమేనని, ఏడాదికి రూ.3,500 కోట్ల కన్నా ఎక్కువ రాదని ఆయనకి తెలుసు. కేంద్రం నుంచి ఏపీకి ఐదేళ్లకు గాను 90:10 నిష్పత్తిలో రూ.16,447 కోట్లు అందుతుందని ముఖ్యమంత్రి అంచనా వేశారు. ఈ మేరకు ఈ ఏడాది జనవరి 5న కేంద్రానికి సీఎం లేఖ రాశారు. పార్లమెంటులో ప్రధాన మంత్రి ఇచ్చిన మాట ప్రకారం నిధులు విడుదల చేయాలని కోరారు. ఇప్పటికే కేంద్ర ప్రభుత్వం ఆరు ప్రాజెక్టులకు సంబంధించి రూ.12,072 కోట్లు విడుదల చేసింది’ అని జీవీఎల్ వివరించారు.

నిన్న మొన్నటి వరకు ప్యాకేజీని మనస్పూర్తిగా స్వీకరించిన ఏపీ ప్రభుత్వం ఇప్పుడు రాజకీయ ప్రయోజనాల కోసమే వ్యతిరేకిస్తోందని జీవీఎల్ విమర్శించారు. బీజేపీ వల్లే ఏపీకి నిధులు, ప్రాజెక్టులు వస్తున్నాయని చెప్పారు. ఏపీపై మోదీ ప్రత్యేక దృష్టి పెట్టి సాయం చేస్తున్నారన్నారు. రాజకీయ ప్రయోజనాల కోసమే టీడీపీ, వైసీపీ ప్రజలను రెచ్చగొడుతున్నాయని విమర్శించారు.