బ్రేకింగ్ మాజీ మంత్రి, టీడీపీ సీనియర్ నేత హఠాన్మరణం షాక్ లో చంద్రబాబు

18

తెలుగుదేశం పార్టీకి వరుస షాక్ ల మీద షాక్ లు తగుతున్నాయి.. మాజీ మంత్రి, టీడీపీ సీనియర్ నేత పసుపులేటి బ్రహ్మయ్య గుండెపోటుతో కన్నుమూశారు. మంగళవారం రాత్రి తీవ్ర అస్వస్థతకు గురైన ఆయనను చికిత్స కోసం కుటుంబసభ్యులు హుటాహుటీన స్థానిక హాస్పిటల్‌కు తీసుకువెళ్లారు. ప్రథమ చికిత్స తర్వాత మెరుగైన వైద్యం నిమిత్తం హైదరాబాద్‌కు తరలించాలని అక్కడ వైద్యులు సూచించారు. దీంతో పసుపులేటి బ్రహ్మయ్యను అంబులెన్స్‌లో హైదరాబాద్‌కు తరలిస్తుండగా, మార్గమధ్యంలోనే ఆయన తుదిశ్వాస విడిచారు. హైదరాబాద్ శివార్లలోని ఓ ఆసుపత్రికి బ్రహ్మయ్యను తరలించగా, అప్పటికే ఆయన కన్నుమూసినట్టు వైద్య వర్గాలు వెల్లడించాయి. ఆయన మరణంతో కుటుంబ సభ్యులు, బంధువులు విషాదంలో మునిగిపోయారు. బ్రహ్మయ్య మృతి పట్ల టీడీపీ నేతలు, శ్రేణులు సంతాపాన్ని వెలిబుచ్చాయి.

Image result for పసుపులేటి బ్రహ్మయ్య

ఈ ఏడాదిలో ఫిబ్రవరిలోనే బ్రహ్మయ్య తీవ్ర అస్వస్థతకు గురయ్యారు. చంద్రబాబు అధ్యక్షతన అమరావతిలో జరిగిన రాజంపేట పార్లమెంటరీ పార్టీ సమావేశంలో పాల్గొనడానికి వచ్చిన ఆయనకు గుండెపోటు రావడంతో హుటాహుటిన రమేష్‌ హాస్పిటల్‌కు తరలించారు. చికిత్స తర్వాత ఆయన కోలుకున్నారు. కడప జిల్లాకు చెందిన బ్రహ్మయ్య కొంతకాలంగా రాజకీయంగా తీవ్ర ఒత్తిడిలో ఉన్నారు. ఇటీవల ఎన్నికల్లో రాజంపేట అసెంబ్లీ సీటును ఆయన ఆశించారు… కాగా, 1994 ఎన్నికల్లో తొలిసారిగా రాజంపేట నుంచి టీడీపీ నుంచి ఎమ్మెల్యేగా ఎన్నికయ్యారు. 1999 ఎన్నికల్లోనూ రెండోసారి గెలిచి, చంద్రబాబు మంత్రివర్గంలో పనిచేశారు. 2004 ఎన్నికల్లో మూడోసారి పోటీచేసి ఓటమి చవిచూశారు.

ఈ క్రింద వీడియో చూడండి

కడప జిల్లా రాజంపేటలో 1956 జనవరి 13న జన్మించిన బ్రహ్మయ్య బీకాం పూర్తిచేసి, ఓ ట్రాన్స్‌పోర్ట్ సంస్థలో బిజినెస్ మేనేజర్‌గా చేరి ఆ సంస్థకు రీజినల్ మేనేజర్‌గా పనిచేశారు. ఆ సంస్థలో సేవలకు ఆయన నాటి రాష్ట్రపతి డాక్టర్ శంకర్ దయాళ్ శర్మ చేతుల మీదుగా సేవా రత్న అవార్డును అందుకున్నారు. ఎన్టీఆర్ స్ఫూర్తితో రాజకీయాల్లోకి వచ్చారు. సాధారణ కార్యకర్తగా టీడీపీలో చేరిన ఆయన, అంచలంచెలుగా ఎదుగుతూ 1994లో తొలిసారి రాజంపేట అసెంబ్లీ నియోజకవర్గం నుంచి టీడీపీ తరఫున పోటీచేసి విజయం సాధించారు. అంతేకాదు, రాజంపేటను రాష్ట్రంలోనే ఉత్తమ నియోజకవర్గంగా తీర్చిదిద్దారు. ఏపీలో జన్మభూమి కార్యక్రమం అమలు, గ్రామీణభివృద్ధిలో 2002గానూ రాజంపేట ఉత్తమ నియోజకవర్గం అవార్డును దక్కించుకుంది. అంతేకాదు నీటి సంరక్షణ విధానంలో 2003కి ఉత్తమ అసెంబ్లీగా ఎంపికయ్యింది. ఉమ్మడి ఆంధ్రప్రదేశ్ ఖాదీ బోర్డు ఛైర్మన్‌గా పనిచేసిన బ్రహ్మయ్యను తర్వాత చంద్రబాబు తన క్యాబినెట్‌లోకి తీసుకున్నారు. చిన్నతరహ పరిశ్రమలు, ఉన్నత విద్యా శాఖ మంత్రిగా బాధ్యతలు నిర్వహించారు. ఆయనకు మాజీ ముఖ్యమంత్రి ఏపీ ప్రతిపక్షనేత చంద్రబాబు కూడా నివాళి అర్పించారు.