చంద్ర‌బాబుపై మోహ‌న్ బాబు సీరియ‌స్ ఎన్టీఆర్ వెన్నుపోటు చ‌రిత్ర బ‌య‌ట‌పెట్టిన మోహ‌న్ బాబు ఫుల్ స్టోరీ

255

ఫీజు రీయింబర్స్‌మెంట్ విషయంలో సీనియర్ నటుడు, శ్రీవిద్యానికేతన్ విద్యాసంస్థల అధినేత మోహన్ బాబు ధర్నాకు దిగిన విషయం తెలిసిందే. రెండు రోజుల కిందట తిరుపతిలో తన విద్యా సంస్థల విద్యార్థులతో కలిసి నిరసన ర్యాలీకి దిగిన ఆయనను పోలీసులు అడ్డుకున్నారు.ఈ అంశంపై ఏపీ ప్రణాళికా సంఘం ఉపాధ్యాక్షుడు కుటుంబరావు విమర్శలు గుప్పించడంతో రాజకీయ ప్రాధాన్యత సంతరించుకుంది. బకాయిల విషయంలో మోహన్‌బాబు రాజకీయాలు చేస్తున్నారంటూ కుటుంబరావు చేసిన వ్యాఖ్యలకు మంచు మనోజ్ శనివారం ట్విట్టర్ ద్వారా కౌంటర్ ఇచ్చారు. తాజాగా ఈ అంశంపై ముఖ్యమంత్రి చంద్రబాబును పరోక్షంగా టార్గెట్ చేస్తూ మోహన్‌బాబు బహిరంగ లేఖను ట్విట్టర్ ఖాతాలో పోస్టు చేశారు.

ఈ క్రింది వీడియో చూడండి

చంద్రబాబు పేరును ప్రస్తావించకుండానే తీవ్ర పదజాలంతో కలెక్షన్ కింగ్ విరుచుకుపడ్డారు. ఫీజు రీయింబర్స్‌మెంట్ అడిగితే తమపై కక్షసాధింపు మొదలుపెట్టాడని, ఆ గ్రేట్ అబద్ధాల కోరు గురించి చెప్పాలంటే ఒక గ్రంథం తయారవుతుందని అందులో పేర్కొన్నారు. 2013లో అతడు అధికారంలో లేకపోయినా ఎంతో గౌరవించి నా ఫంక్షన్స్, సినిమా ఓపెనింగ్స్ ఎన్ని జరిగాయో అన్నింటిలోనూ ఉన్నాడు.. కావాలంటే ఇంటర్నెట్‌లో చూసుకోండి అంటూ లేఖలో మండిపడ్డారు. అంతేకాదు, తన లేఖలో అనేక వివాదాస్పద అంశాలను కూడా మోహన్ బాబు స్పృశించారు.

Image result for chandra babu

‘అధికారంలో లేకపోయినా ఎంతో గౌరవించి ప్రతి కార్యక్రమానికీ ఆహ్వానించాను.. కానీ నామీద నా కుటుంబం మీద కక్షసాధింపు చర్య చేపట్టాడు.. నేను అడిగింది మా విద్యా సంస్థల్లో చదువుతోన్న పిల్లలకు రావాల్సిన ఫీజు రీయింబర్స్‌మెంట్ డబ్బు.. అది అడిగితే అతడికి చెప్పే ధైర్యం లేక ఇద్దరు జోకర్ల దగ్గర చెప్పిస్తున్నాడు. ప్రభుత్వం నీదైనప్పుడు ఆటోమేటిక్‌గా కొన్ని వందల వేల మంది నీ మోచేతి నీళ్లు తాగే వాళ్లుంటారు.. వాళ్లెవ్వరూ వద్దు, ఓపెన్‌గా నువ్వే రా.. నీ స్టేటస్‌కి నేను త‌గ‌నా, నిజానికి నా స్టేటస్‌కి నువ్వే అర్హుడు కాదు’అని విమర్శించారు.

‘ప్రజలు ఇచ్చిన పదవిలో ఉన్నంత మాత్రాన గొప్పవాడిని అనుకుంటే ఎలా? తప్పు తప్పది.. పక్క రాష్ట్రాల్లో కూడా చూశావు. అన్న ఎన్టీఆర్ లాంటి మహానుభావుడు పార్టీని ఏమి చేశావో అవన్నీ చెబితే బాగుండదు.. ఇక నన్ను రెచ్చగొడితే నీ చరిత్ర, అన్నయ్యకు జరిగిన ఘోరాలు, చేసిన మోసాలు అడగడుగునా అనుక్షణం బయటపెడతా. నువ్వు చెయ్యగలిగితే ఒక్కటే చేయగలవు.. అది నన్ను చంపించడం అంతే.. ఇంతకంటే ఏమీ చేయలేవు.. నీకు ఆ రాజకీయాలు కూడా తెలుసని నాకు తెలుసు’. అంటూ ఘాటు పదజాలంతో లేఖాస్త్రం సంధించారు. మొత్తానికి ఎన్నిక‌ల వేళ ఇవ‌న్నీ పార్టీకి పెద్ద మైన‌స్ గా అవుతాయి అని ఆందోళ‌న చెందుతున్నారు టీడీపీ నేత‌లు.