నటి సంధ్య దారుణ హత్య ముక్కలుగా నరికి చెత్తకుప్పలో పడేసిన భర్త

484

విడాకుల వ్యవహారం భార్యాభర్తల మధ్య చిచ్చు రాజేసింది. భార్య తన నుంచి విడాకులు కోరుతుందన్న కక్షతో.. నమ్మకంగా ఇంటికి పిలిచి మరీ దారుణంగా చంపేశాడో వ్యక్తి. మృతదేహాన్ని ముక్కలు, ముక్కలుగా చేసి డంపింగ్ యార్డ్‌లో పడేశాడు. మున్సిపల్‌ సిబ్బంది ఆ ముక్కల్ని గమనించి పోలీసులకు ఫిర్యాదు చేయడంతో.. ఈ ఘోరం బయటపడింది. తమిళనాడు రాజధాని చెన్నైలో జరిగిందీ దారుణం.తూత్తుకుడికి చెందిన సంధ్యకు చెన్నైకు చెందిన బాలకృష్ణన్‌తో వివాహమయ్యింది. కొద్దిరోజులుగా భార్యాభర్తల మధ్య మనస్పర్థలు రావడంతో.. సంధ్య విడాకుల కోసం కోర్టును ఆశ్రయించింది. భర్త మాత్రం విడాకులిచ్చేందుకు ససేమీరా అనడంతో.. అతడిపై న్యాయపోరాటం చేస్తోంది. దీంతో బాలకృష్ణన్‌ ఆమెపై కక్ష పెంచుకున్నాడు. ఆమెను ఎలాగైనా హతమార్చాలని స్కెచ్ వేశాడు.

ఈ క్రింద వీడియో మీరు చూడండి

సంధ్యను నమ్మకంగా ఇంటికి పిలిచాడు. ఆమెకు మాయ మాటలు చెప్పి.. ఉన్నట్టుండి దాడి చేసి దారుణంగా చంపేశాడు. ఆమె మృతదేహాన్ని ముక్కలు, ముక్కలుగా చేసి డస్ట్‌బిన్‌లో తీసుకెళ్లి.. కూడంబ్కాకం సమీపంలోని డంప్ యార్డ్‌లో పడేశాడు. జనవరి 21న ఆ ముక్కల్ని గమనించిన మున్సిపల్ సిబ్బంది.. పోలీసులకు సమాచారం ఇచ్చారు. ఈ కేసును సవాల్‌గా తీసుకున్న పోలీసులు కేసు నమోదు చేసి దర్యాప్తు ప్రారంభించారు. మృతదేహానికి సంబంధించిన ముక్కల్ని పరిశీలించిన పోలీసులు.. ఆమె చేతికి ఉన్న గాజు, చేతిపై ఉన్న పచ్చబొట్టు ఆధారంగా దర్యాప్తు ప్రారంభించారు. సీసీ కెమెరా ఫుటేజ్‌ సాయంతో కేసును ముందుకు తీసుకెళ్లారు. చివరికి ఆ మృతదేహం సంధ్యదిగా తేల్చి.. అనుమానంతో భర్తను బుధవారం (06-02-1029) అదుపులోకి తీసుకొని ప్రశ్నించడంతో నేరం ఒప్పుకున్నాడు. అయితే ఇప్పటికీ ఆమె తల, మొండెం దొరకలేదట.