ఎన్టీఆర్ బయోపిక్ లో ఇది గమనించారా..?చూస్తే మీ మతి పోతుంది

519

ఎన్టీఆర్ బయోపిక్ మూవీ.. ఈ ప్రాజెక్ట్ అనౌన్స్ చేసిన సందర్భంలో ఎన్టీఆర్ పాత్రలో బాలకృష్ణ నటిస్తున్నారా? ఆయన చేయగలరా? ఆయనకంటే జూనియర్ ఎన్టీఆర్ అయితే బెటరేమో.. అయినా ఎన్టీఆర్ జీవిత చరిత్రను తెరకెక్కించడం అంత ఈజీ కాదు.. ఇదీ వర్కౌట్ అయ్యేలా కనిపించడంలేదు.. ఇలా రకరకాల సందేహాలు పలు అనుఅనుమానాలు.. అయితే వీటన్నింటీ పటాపంచలు చేస్తూ అన్నగారిలా చేయాలంటే ఒక్క బాలకృష్ణకు మాత్రమే సాధ్యం అవుతుందని ‘ఎన్టీఆర్ కథానాయకుడు’ ట్రైలర్‌తో నిరూపితం చేశారు నటసింహం బాలకృష్ణ. 3:15 నిమిషాల నిడివితో ఉన్న ఈ ట్రైలర్ ప్రకాష్ రాజ్ వాయిస్ ఓవర్‌తో ప్రారంభమైంది. ‘ఆ రామారావు ఏంటి? కృష్ణుడు ఏంటి? మార్చు అని ప్రకాష్ రాజ్ వాయిస్ వినిపించడం.. రామారావు చక్కగా సరిపోతాడండీ.. ఆయన కళ్లల్లో ఓ కొంటెతనం ఉంటుంది’ అని క్రిష్ చెప్పడం.. కీరవాణి అందించిన అద్భుతమైన బ్యాగ్రౌండ్ మ్యూజిక్‌తో కృష్ణుడు పాత్రలో ఎంట్రీ ఇచ్చిన బాలయ్య అన్నగారిని గుర్తుచేశారు. రాజకీయాలకు వెళ్లొద్దని బసవతారకం, ఎన్.టీ.ఆర్‌ను వేడుకోవడం… గుండుతో అసెంబ్లీలోకి అడుగుపెట్టడం వంటి సీన్స్ ట్రైలర్‌లో హైలెట్ అయ్యాయి.

Image result for ntr bio pic posters

ఓ వైపు సినిమాలు..మరో వైపు రాజకీయ ప్రస్తానం రెండింటిని ప్రస్తావిస్తూ ఎంతో ఆసక్తికరంగా ఈ ట్రైలర్‌ను రూపొందించారు దర్శకుడు క్రిష్. ప్రతిష్ఠాత్మకమైన ‘ఎన్టీఆర్’ బయోపిక్ మూవీ రెండు పార్టులను కేవలం 90 రోజుల్లో పూర్తి చేశారంటే ఆయన టేకింగ్ స్పీడ్‌ను అందుకోవడం మరే దర్శకుడి సాధ్య కాదేమో. అయితే ఎంతో తక్కువ సమయంలో ఈసినిమాను రూపొందించిన దర్శకుడు ఎన్టీఆర్ జీవితంలోని అన్నికోణాలను తెరపై ఆవిష్కరించినట్టు ట్రైలర్‌లో చూపించారు. అయితే ట్రైలర్ చూసిన అందరిలోనూ ఒకటే ప్రశ్న.. ఈ చిత్రంలో చంద్రబాబు పాత్రను ఏవిధంగా మలిచారు అని. చరిత్రను ఉన్నది ఉన్నట్టు చెప్పారా? లేక నాటి చరిత్రను నేటి రాజకీయ పరిస్థితులకు అనుకూలంగా మార్చుకున్నారా? అసలు చంద్రబాబు పాత్ర ద్వారా ఏం చెప్పబోతున్నారనేది ఆసక్తికరంగా మారింది. ఈ చిత్రంలో చంద్రబాబు పాత్రలో దగ్గుబాటి రానా కనిపిస్తున్నారు. అయితే ట్రైలర్‌లో ఎక్కడా చంద్రబాబు పాత్రను రివీల్ చేయకుండా జాగ్రత్త పడ్డారు క్రిష్.

ఎన్టీఆర్ జీవితంలోని వాస్తవ సంఘటనల ఆధారంగా ఈ చిత్రాన్ని రూపొందించామని ఇదో చరిత్ర అంటూ చిత్ర యూనిట్ చెబుతోంది.. ఎన్టీఆర్ సినిమాల్లోకి రావడం.. సూపర్ స్టార్‌గా ఎదగడం.. పొలిటికల్ ఎంట్రీ.. ఢిల్లో పెద్దల్ని గడగడలాడించడం.. ఇవన్నీ చరిత్రలో భాగమే. అయితే ఎన్టీఆర్ ముఖ్యమంత్రి పదవి నుండి తప్పుకోవడం.. తెరవెనుక ఆయనపై జరిగిన కుట్రల్ని తెరపై ఆవిష్కరించే ప్రయత్నం క్రిష్ చేశారా? బాలయ్య దానికి ఒప్పుకున్నారా? అనేది ఇప్పుడు సినీ రాజకీయ వర్గాల్లో హాట్ టాపిక్. ఒకవేళ ఈ అంశాన్ని చర్చిస్తే.. దాని ప్రభావం వచ్చే ఎన్నికల్లో కొంతైనా ఉంటుంది. ఏ చిన్న అవకాశం దొరికినా ప్రతిపక్షాల విమర్శనాస్తాలకు ఆయుధం దొరికినట్టే. ఎందుకంటే నేటి రాజకీయ పరిస్థితుల్లో సినిమా అనేది పవర్ ఫుల్ వెపన్‌లా మారింది. ఇదంతా ఎందుకు.. ఆ తెరవెనుక జరిగిన రాజకీయ కుయుక్తుల్ని తెరపైకి తీసుకురాకపోవడమే బెటర్ అనుకుంటే.. ఎన్టీఆర్ బయోపిక్ మూవీ ప్రేక్షకులకు పరిపూర్ణం కాదు. చూడాలి మరి క్రిష్ ఎలా తీర్చిదిద్దాడో.మరి ఈ విషయం గురించి మీరేమంటారు. ఎన్టీఆర్ బయోపిక్ చిత్రం గురించి అలాగే చిత్ర ట్రైలర్ లో చూపించిన అంశాల గురించి మీ అభిప్రాయాలను మాకు కామెంట్ రూపంలో చెప్పండి.