Breaking news : టాప్ హీరోల ఇళ్ల మీద ఐటీ దాడులు చేయించిన ముఖ్యమంత్రి.. షాక్ లో ఇండస్ట్రీ..

162

శాండల్‌వుడ్ అగ్ర నటులు, నిర్మాతల నివాసాల్లో ఆదాయపు పన్ను శాఖ దాడులు నిర్వహించింది. అగ్ర నటులు శివరాజ్‌కుమార్, పునీత్ రాజ్‌కుమార్, సుదీప్, యశ్, నిర్మాతలు సీఆర్ మనోహర్, ‘రాక్‌లైన్’ వెంకటేశ్, విజయ్ కిరిగండూర్ ఇళ్లపై ఐటీ అధికారులు గురువారం దాడులు నిర్వహించారు. దాడులు ఇక్కడితో ఆగిపోలేదని, కొనసాగే అవకాశం ఉన్నట్టు అధికారులు చూచాయగా తెలిపారు. ఐటీ సోదాల్లో భారీ మొత్తంలో బంగారం, నగదు లభ్యమైనట్టు తెలుస్తోంది. తొలి రోజు 200 ప్రాంతాల్లో దాడులు నిర్వహించిన అధికారులు, నిర్మాతలు రాక్‌లైన్ వెంకటేశ్, విజయ్ ఇళ్లలో వరుసగా మూడు రోజులు సోదాలు చేశారు. ఇటీవల సుదీప్‌ నటించిన సినిమాల బడ్జెట్ గురించి ఐటీ అధికారులు ఆరా తీసినట్టు స్వయంగా ఆయనే వెల్లడించారు. దీనికి తాను పూర్తిగా సహకరిస్తానని చెప్పినట్టు సుదీప్ వెల్లడించారు. వ్యక్తిగతంగా తాను నిబంధనలను అతిక్రమించలేదని, తప్పు చేసినప్పుడే భయపడాలని అన్నారు.

Image result for sudeep

అయితే ఆదాయపు పన్ను శాఖ దాడులపై కర్ణాటక ముఖ్యమంత్రి హెచ్‌డీ కుమారస్వామి స్పందించారు. ఐటీ దాడుల వెనుక ఎలాంటి రాజకీయాలు లేవని స్పష్టం చేశారు. ఇవి రాజకీయ ప్రేరేపిత దాడులు కాదని పేర్కొన్నారు. నటులు, నిర్మాతల ఇళ్లపై జరుగుతున్న దాడులు రాజకీయ ప్రేరేపితం కాదని, ఐటీ అధికారులు వారి విధుల్లో భాగంగానే సోదాలు నిర్వహించారని, తమకు అందిన సమాచారం ప్రకారమే దాడులు చేస్తారని కుమారస్వామి ఉద్ఘాటించారు.సినీ తారల నివాసాల్లో ఐటీ సోదాల వెనుక రాజకీయ కోణం ఉందా? అనే ప్రశ్నకు సమాధానం ఇస్తూ, కుమారస్వామి పై విధంగా స్పందించారు. ఐటీ దాడులు ప్రతీ చోట జరుగుతున్నాయని, పన్ను ఎగ్గొట్టినప్పుడు దాడులు జరగడం సహజమని వ్యాఖ్యానించారు. అంతేకాదు, నటులు, నిర్మాతలైనంత మాత్రాన వారిని ప్రత్యేకంగా పరిగణించాల్సిన పనిలేదని, ఎవరైనా సరే చట్టాన్ని అనుసరించాల్సిందేనని తేల్చి చెప్పారు.

ఈ క్రింద వీడియో మీరు చూడండి

ఈ అంశంలో ఎవరైనా చట్టానికి వ్యతిరేకంగా వెళ్తోన్నట్టు భావిస్తే, న్యాయపరంగా ఎదుర్కొవచ్చని సీఎం సలహా ఇచ్చారు. దీనిపై డిప్యూటీ సీఎం పరమేశ్వర మాట్లాడుతూ.. దాడులు రాజకీయ ప్రేరేపితం కాకుంటే, అందులో వివక్ష లేకుంటే తమకొచ్చిన అభ్యంతరం ఏమీ లేదని ఓ ప్రశ్నకు సమాధానంగా చెప్పారు. అయితే, రాజ్యసభ ఎన్నిక సమయంలో గుజరాత్ కాంగ్రెస్ ఎమ్మెల్యేలకు బెంగళూరులో ఆశ్రయం కల్పించిన కాంగ్రెస్ నేత డి శివకుమార్ నివాసంపై ఐటీ, ఈడీ, సీబీఐ దాడులకు పాల్పడినప్పుడు దీనికి భిన్నంగా సీఎం స్పందించడం గమనార్హం. కేంద్రంలోని నరేంద్ర మోదీ సర్కారు ఉద్దేశపూర్వకంగానే కేంద్ర సంస్థలను ఉసిగొల్పుతోందని కాంగ్రెస్-జేడీఎస్ ప్రభుత్వం ఆరోపించింది. చూడాలి మరి ఇంకా ఎవరెవరి ఇళ్లలో సోదాలు జరుగుతాయో, ఎలాంటి విషయాలు బయటపడతాయో.మరి ఈ విషయం గురించి మీరేమంటారు.శాండల్ వుడ్ సినీ సెలెబ్రిటీల మీద జరిగిన ఈ దాడుల గురించి మీ అభిప్రాయాలను మాకు కామెంట్ రూపంలో చెప్పండి.